"Championat.asia" olgan ma'lumotga ko'ra, "Neftchi" jamoasi bir necha yillardan beri "Paxtakor" yetakchisi va to'purari bo'lib kelgan Dragan Cheranga taklif bilan chiqqan. Ayni paytda farg'onaliklar ketma-ket yangi transferlarni e'lon qilib borishayotganidan xabaringiz bor. Bizdagi ma'lumotga ko'ra, jamoa O'zbekiston MTJ yetakchilaridan biri Jaloliddin Masharipovga ham taklif bilan chiqqan. Masharipov agar Cheran "Neftchi"ga kelsa taklifni o'ylab ko'rishini aytgan.
Ma'lumot uchun, Cheran ketma-ket 6 mavsumdan beri chempionatimizda to'purar bo'lib kelmoqda.
