Эшитдик-да! "Локомотив" собиқ бош мураббийи "Пахтакор"да иш бошлайди

Эшитишимизга қараганда жамоа бош мураббийлигига кутилганидек Питер Хюистра эмас, аввалги йилларда Шота Арвеладзега яқиндан кўмаклашган ўзбекистонлик Жасур Абдураимов тайинланиши эҳтимоли катта. 2017 йил маълум муддат жамоага бошчилик қилган мутахассис кейинчалик ҳам грузиялик мураббийнинг штабида фаолиятини давом эттирганди. Абдураимовга мухлисларга "Локомотив"даги фаолияти билан яхши танилган Мирко Йеличич ёрдамлашади. Австралиялик мураббий учун "Пахтакор" бегона жамоа ҳисобланмайди, у 2005-2006, 2007, 2013 йилларда шу клубда меҳнат қилган.

Футболчилар бугун тиббий кўрикдан ўтишди, эртадан эса қишки ўқув-машғулот йиғинига киришилади. 21 январь санасидан эътиборан йиғин Дубайга кўчирилади ва 5 февралга қадар давом эттирилади.