Эшитдик-да: Биринчи лигани яна бир клуб тарк этиши мумкин
23 май 2022 15:36
Янгиликлар

Эшитдик-да: Биринчи лигани яна бир клуб тарк этиши мумкин

Хабарингиз бор, ўтган ҳафтада молиявий муаммо туфайли "Нефтгазмонтаж" клуби биринчи лигани тарк этганди.

Championat.asia сайтига маълум бўлишича, Биринчи лигани яна бир клуб тарк этиши мумкин. Молиявий муаммолар туфайли Тошкентнинг "Лочин" клуби ҳам ўз фаолиятини тўхтатиши кутилмоқда.

21 май куни "Лочин" клуби ўз майдонида "Андижон II" клубини қабул қилиши керак эди. Аммо мезбонлар ўйинга тайёр бўлмаганлиги сабабли "Лочин"га техник мағлубият ёзилди. ПФЛ ушбу ҳолат бўйича кейинроқ батафсил маълумот берилишини эълон қилганди.

Эслатиб ўтамиз, "Лочин" клуби 7та ўйинда 1та дуранг ва 6та мағлубият қайд этган ҳолда мусобақа жадвалида 15-ўринни эгаллаб турибди.