Эртага "Бунёдкор"ни стадионда қўллаб-қувватлайлик!
06 май 2014 13:28
Янгиликлар

Эртага "Бунёдкор"ни стадионда қўллаб-қувватлайлик!

Эртага "Бунёдкор" клуби ОЧЛ 1/8 финали доирасида Саудия Арабистонининг "Ал Ҳилол" клубига қарши майдонга тушади.

Ушбу муҳим ўйинда барчадан "қалдирғочлар"ни стадионга келиб қўллаб-қувватлашни сўраб қоламиз.

Бундан буён ОФК клубларимизнинг ОЧЛдаги иштирокига қараб ўринларни ажратадиган бўлди. Табиийки Ўзбекистоннинг мусобақадаги ягона жамоаси бўлган "Бунёдкор" қанчалик кўп ғалабага эришса ва узоқроққа борса, 2015 йил учун квоталаримиз шунча кўпаяди.

Шундай экан, "Бунёдкор"ни қўллаб-қувватлаш учун барчани "Пахтакор" Марказий стадионига таклиф этамиз.

Чипталар "Пахтакор" Марказий стадиони кассаларида сотилмоқда. Эртанги баҳс соат 18:00да бошланади.

Ҳавола :

Манба : championat.asia

Янгиликларни Телеграмда ўқинг!

Рейтинг: