Эроннинг "Истиқлол" жамоасида бош мураббий ўзгарди

Sherzod Nurmatov
21 июн 2022
"Спортинг" ҳамда "Брага" собиқ устози Рикарду Са Пинту Эроннинг "Истиқлол" жамоасига бош мураббий этиб тайинланди.

49 ёшли мутахассис янги мавсумда жамоани ОЧЛ ўйинларига тайёрлайди. Унинг олдига юқори мақсадлар қўйилиши айтилмоқда.

Са Пинту мураббийлик фаолияти давомида Бельгиянинг "Стандарт" жамоаси билан мамлакат кубогини қўлга киритган ва бу унинг ягона соврини ҳисобланади.

Эслатиб ўтамиз, "Истиқлол" сафида Ўзбекистон терма жамоаси ҳужумчиси Азизбек Амонов фаолият юритмоқда. У клуб билан май ойида Эрон чемпионлигини қўлга киритганди.


Sherzod NurmatovМуаллиф
Манба: esteghlaltehranfc.com