Эрон U-23 бош мураббийи: "Гонконгнинг туғдирадиган энг катта қийинчилиги – номаълум жамоа эканлиги"
05 сен 2023 14:05
Янгиликлар
Эрон U-23 бош мураббийи: "Гонконгнинг туғдирадиган энг катта қийинчилиги – номаълум жамоа эканлиги"
"Ушбу мусобақада иштирок этаётган барчага раҳмат. Биз учун ҳар бир мусобақа қийинчилик билан ўтади. Гонконг билан ўйин биринчи қадам ва бор эътиборимиз уларни ютишга қаратилган", – деди Ризо Инояти.

- Афғонистон ва Гонконгга нисбатан асосий кураш Ўзбекистон билан кечади. Бу ўйинга махсус режа асосида тайёрланасизларми? Одатдагидан фарқ қиладими?
- Албатта, ўз режаларимиз бор. Қадамма-қадам бу режаларни амалга оширамиз. Гонконг билан ўйиндан кейингина Ўзбекистон ҳақида ўйлаймиз.

- Эрон Олимпиадага чиқса, ҳарбий хизматдан озод этилиши ҳақида хабар чиқди. Бу ростми ва Эрон учун Олимпиада қанчалик муҳим?
- Бу фикрингиз юз фоиз тўғри. Бу футболчиларимиз учун жуда муҳим ҳисобланади. Ҳарбий хизматдан озод бўлишдан кўра жамоани шакллантириш, мусобақаларда яхши қатнашиш, футболдаги натижалар устун ҳисобланади.
- Гонконгдан қайси тарафлама қаршилик кутмоқдасиз?
- Гонконгнинг туғдирадиган энг катта қийинчилиги – номаълум жамоа эканлиги. Ўйин тактикасини тушуниш қийин бўлди. Албатта, уларни таҳлил қилиб чиқдик. Бу ўйинда ҳеч қандай сюрпиризлар бўлмайди.

- 2007 йил Эрон терма жамоаси сафида Осиё Кубогида Ўзбекистонга қарши ўйнагансиз. Умуман бу учрашувни қандай эслайсиз?
- Албатта, юртингизда футбол жуда яхши ривожланмоқда. 18, 20, 23 ёшгача бўлган жамоаларингиз яхши натижа қайд этиб келмоқда. Бу мусобақадан сўнг икки жамоада ҳам яхши хотиралар билан қолишини истайман.
Ўхшаш янгиликлар
championat.asia
Ла Лига. "Реал" ўз уйида "Сельта"га мағлуб бўлди, Гарсия ва Кассерас қизил карточка олди
Месси ўз рекордини янгилашда давом этмоқда
Алонсо кечаги мағлубиятдан сўнг ҳакамни кескин танқид қилди
"Олтин тўп" соҳиби Салоҳни танқид қилди
Фикрлар