UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  4 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Эрон — АҚШ! Учинчи турнинг энг шиддатли баҳси учун превью Янгиликлар

Эрон — АҚШ! Учинчи турнинг энг шиддатли баҳси учун превью

Эрон терма жамоаси 1-турдаги дахшатли мағлубиятдан сўнг иккинчи турда сўнгги дақиқаларда урилган голлари эвазига Уэльсни таслим этди.

АҚШ эса турнирнинг ҳар икки баҳсида ҳам дуранг қайд этди. Бугунги баҳс ғолиби кейинги босқичга чиқиши аниқ. Бу баҳс сўнгги турнирнинг энг шиддатли жанги бўлади. Эрон — АҚШ! Икки душман жамоаларнинг ўзаро футбол баҳси турдаги ҳар қандай номдор ўйинлардан ҳам каттароқ афишага эга.

Эрон яхши ҳимояланади ва керакли вақтда гол уришни билади

Эрон плей-офф йўлланмасини қўлга киритиш учун жуда яхши имкониятга эга, бунинг учун улар битта яхши ўйин кўрсатиб беришса етарли. Бу ўйиндаги ғалаба Саудия Арабистонининг Аргентинани таслим этганидек ҳукумат ва миллат учун байрам бўлиши аниқ. Эроннинг асосий вазифаси ўз услубида яхши ҳимояланиш ва керакли вазиятда имкониятдан фойдаланишдан иборат. Осиё вакилларининг биринчи гол ўтказиб юбориши ўзи учун катта минус бўлади. Жамоа биринчи голдан сўнг сочилиб кетиши мумкин, бунга уларнинг Англия билан ўйинида гувоҳ бўлдик.

Эрон етакчиси Алиризо Жаҳонбахш бугунги ўйинда иштирок этмайди

Терма жамоа етакчиси Алиризо Жаҳонбахш бугунги баҳсни ўтказиб юборади. У аввалги учрашувларда сариқ карточка олди ва бугунги учрашувда жамоасига ёрдам бера олмайди. Бу эса эронликларнинг ҳужумига қаттиқ таъсир қилиши мумкин. Эронинг бугунги асосийси вазифаси – АҚШга мағлуб бўлмаслик. Шу ҳолатда ҳам улар кейинги босқичга чиқишлари мумкин, бунинг учун иккинчи ўйинда англияликлар мағлуб бўлмаса бўлгани. Алиризо йўқлигига қарамасдан, Кейрушда ҳужум борасида анча яхши вариантлар бор. Тареми ва Азмун бу жаҳон чемпионатида анча ишончли ҳаракат қилишмоқда.

АҚШ дастлабки иккита учрашувда рақибга мослашган ҳолда яхши ҳаракат қилишлари мумкинлигини кўрсатиб беришди

Уэльсга қарши ўйининг дастлабки дақиқаларда америкаликлар анча қийинчиликка учрашди, бироқ кейин улар рақибнинг ўйинига мослашди ва сал қолса уч очкога эга бўлишлари мумкин эди. Уларнинг ўйинчилари жуда кучли кўринмаслиги мумкин, бироқ уларда бутун бир жамоа бор ва бундан АҚШ вакиллари яхши фойдаланишмоқда. Иккинчи турда эса океан орти вакиллари тўпни тўлиқ инглизларга топширди, бироқ юқори прессинг эвазига рақибларини ўз жарима майдонларига ҳам яқинлаштирилмади. Ҳар икки баҳсда ҳам америкаликлар рақибларининг ҳужумларини бартараф этишни уддалашди ва уларнинг ўйинларига тушиб олишди. Бироқ учинчи турда АҚШ иккинчи рақамли бўлиб ҳаракат қила олмайди. Уларга ғалаба керак ва шу сабабли энди улар ҳужум қилишади ва энди эронликлар АҚШнинг аввалги иккита ўйиндаги ҳаракатларини кўрсатиб бериши мумкин.

АҚШнинг юлдузларидан бири Жованни Рейна бош мураббий билан келиша олмаяпти

Жованни Рейна анча йиллардан бери зўр даражада ўйин кўрсатиб бермоқда. Бироқ ЖЧ пайтида у атиги саккиз дақиқа майдонда ҳаракат қилди. Бу ҳолатни ҳаттоки унинг жамоадошлари ҳам тушунмаяпти. Улар Жованни Рейна билан ўйнашни исташмоқда, бироқ барчасини мураббий ҳал қилади. Биринчи ўйиндан сўнг АҚШ бош мураббийи Жованнининг жароҳати борлиги ҳақида гапирди, бироқ буни футболчи тасдиқламади. Кейинги турда ҳам Рейна “бонкада” қолди. Катта эҳтимол билан учинчи турда ҳам у асосий таркибда майдонга тушмайди.

Жамоаларнинг бугунги ўйинга эҳтимолий таркиблари:

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика