Италия футбол федерацияси илмий-техник қўмита аъзоси Франческо Браконаро футболчининг юрагидаги дефебрилятор билан Италияда ўйнай олмаслигини айтди
"Эриксен юрагидаги мослама билан Италияда ўйнашга рухсат ололмайди. Aгарда унинг юрагидаги дефебрилятор олиб ташлансагина, у "Интер"да ўйнашни давом эттириши мумкин".
Италияда профессионал спортчилар учун қатъий қоидалар мавжуд ва текширувларни клублар эмас, федерация амалга оширади.
Шуниси эътиборга лойиқки, масалан, "Аякс" ҳимоячиси Дейли Блинд худди шундай имплантация қилинадиган кардиовертер дефибрилаторига эга ва Нидерландия терма жамоаси ва ўз клубида ўйнаши мумкин, аммо у ҳам А Серияда иштирок эта олмайди.
Эслатиб ўтамиз, Кристиан Эриксен Евро-2020 гуруҳ босқичда Финляндияга қарши кечган биринчи тур ўйинида юрак ҳуружига учраган. Футболчи операция қилинган ва юрагига дефебрилятор ўрнатилган. Ушбу мослама юракнинг тўхтаб қолишини олдини олиб, унинг тинимсиз уриб туришини таъминлайди.
