Кристиан Эриксен ўтган мавсумнинг иккинчи ярмида "Брентфорд"да ўйнади. Ҳозир даниялик футболчи эркин агент мақомида ва турли клублардан тушган таклифларни қараб чиқяпти.
Аввалроқ 30 ёшли ярим ҳимоячига "Манчестер Юнайтед" ва "Тоттенхэм" клубларидан қизиқиш бўлаётгани ҳақида хабарлар тарқалган эди.
Кристиан Эриксен ўтган мавсумда "Брентфорд" сафида Англия Премьер-лигасида 11 та ўйинда майдонга тушиб, 1 та гол урди ва 3 та голли узатмани амалга оширди. Transfermarkt 30 ёшли даниялик ярим ҳимоячининг трансфер нархини 20 млн еврога баҳоламоқда.
