EPLMANAGER: Сиз сотиб юборишингиз ва харид қилишингиз керак бўлган 4 футболчи

Эртага АПЛнинг 6-тур учрашувлари бошланади. Биз EPLMANAGERда сизга фойда келтирадиган маслаҳатлар беришни бошлаймиз:

СОТИШ КЕРАК

Гарри Кейн - "Тоттенхэм" тўпурари кўпчиликнинг таркибида бўлиши аниқ. Кейн 5-тур баҳсида жиддий жароҳат олди ва энди узоқ муддат майдонга туша олмайди. Таркибида ушбу инглиз борлар тезроқ ундан қутилишини маслаҳат берамиз.

Жейми Варди - Клаудио Раньери Вардини Чемпионлар лигаси учун асраши мумкин. Айни дамда жамоада ҳужумчилар кўпайиб кетди. Бунинг устига 30 млн. еврога харид қилинган Слимани ўтган турда дубль қайд этди. Ушбу форвард 6-турда асосий таркибда бўлиши мумкин.

Давид Сильва - Ушбу ўйинчининг маҳоратига шубҳа йўқ, аммо у 18 ойдан бери майда жароҳатлар билан курашиб, кўплаб ўйинларни ўтказиб юборди. У "Борнмут"га қарши баҳсни (4:0) ўтказиб юборди ва Гвардиола таваккал қилмаса керак.

Скот Данн - "Кристал Пэлас" футболчиси "Саутгемптон"га қарши Англия лига Кубоги баҳсида жароҳат олди. У "Сандерленд"га қарши баҳсни ўтказиб юбориши аниқ.

ХАРИД ҚИЛИНГ

Шеймус Коулман - Бу футболчи фэнтези фойдаланувчиларининг севимли ўйинчиларидан бири ҳисобланади. У доимо ўнг қанотдан ҳужумга қўшилиб, гоҳ гол уради, гоҳида эса голга ассистентлик қилади. Коулман яқинда жароҳатидан қутилди ва асосий таркибда майдонга тушиши эҳтимоли катта.

Сон Хён Мин - Мавсум бошида жанубий кореялик Кристиан Эриксен, Деле Алли ва Эрик Ламелада қимматлашиб кетишини кутмагандингиз. Сон Хён Мин гол урганидан сўнг Почеттино уни фақат асосий таркибда туширмоқда. Футболчининг иқтидорига ишонадиган бўлсак, у Кейн йўқлигидан унумли фойдаланиб қолиши мумкин.

Рахим Стерлинг - Гвардиола ушбу футболчини қайтадан кашф қила олди. Фэнтези иштирокчилари бу футболчини асосий таркибнинг доимий ўйинчисига айлантиришмоқда. "Суонси"га қарши баҳсда Стерлинг уни танлаганларга яхшигина очко ишлаб бериши мумкин.

Чарли Остин - Бу футболчи Хитойга йўл олган Грациано Пелле ўрнига харид қилинган. Энди у ўзини кўрсатиши керак. Остин жуда яхши формада ва у асосий таркиб футболчиси бўлиши аниқ.