“Энфилд”даги қаторасига 6-мағлубиятдан кейин Клопп нималар деди?

“Фулхем” бизга муаммолар туғдириши аниқ эди. Улар ажойиб формада, бу кучли жамоа. Барчамиз бу каби жамоани АПЛда қолиши керак деб ҳисоблаймиз.

Баъзи вазиятларда учрашувнинг боришига катта таъсир ўтказдик. Танаффус олдидан урилган гол эса бизга жиддий зарба берди. Бунга тўғри ёндашишга урундик ва йигитлар ҳам буни уддалашди. Бироқ, якунда гол уролмадик ва бу катта муаммодир. Жорий мавсумда ўз формамизга кира олмадик. Йигитлар ҳали ҳамон керакли жиҳатларга эга, аммо ҳозир уларни тўғри намоён эта олишмаяпти. Агар вазиятни бир кунда ўзгартириш имкони бўлганда, бу қойилмақом ишга айланарди.

Йигитларим ҳам зафар қучишни хоҳлашди. Ғолиб ютқазган жамоадан кўра кўпроқ ғалабани истаган, деб айтиш осон. Ўйлашимча, муаммо бунда эмас”, дейди Клопп.

Эслатиб ўтамиз, “қизиллар” мана 8 ўйиндан бери “Энфилд”да ғалаба қозона олмаяпти. Мағлубиятли серия эса қаторасига 6 учрашувдан бери давом этмоқда.