Элдор Суюнов: "Футболда ҳар нарса бўлиши мумкин"

"Барселона" дастлабки баҳсда ўзи учун керакли натижани қайд этиб келгани уларга бугунги ўйинда ас қотиши мумкин. Футболда тахмин қилиш қийин. Кечаги ўйин ҳақидаги фикрларим учун мени мухлислар нотўғри тушунишди. Бунинг учун "Арсенал" мухлисларидан узр сўраган бўлардим. Бу мени шахсий фикрларим эди холос. Ҳамманинг ўз шахсий фикри бўлиши табиий. Менимча, бугун "шаҳарликлар"га қийин бўлади. Аммо футболда ҳар нарса бўлиши мумкин. Агарда Пеллегрини шогирдлари ўйинни ўз қўлларига олиб, юзага келадиган вазиятлардан тўғри фойдалана билишса, уларда кейинги босқичга чиқиш учун имконият пайдо бўлиши мумкин. "Барселона" ўз майдонида кечадиган баҳсларда ўйин тизгинин рақибга бериб қўядиган жамоалардан эмас. Сўнгги ўйинларда эса, Херардо Мартино жамоаси ўзларидан кутилган ўйинни намойиш қила билишмаяпти. Иккинчи жуфтликда масала деярли ҳал. Бу ўйинни фақат расмиятчилик учун деса бўлади.   

Шаҳбоз Беғамов