Biz kechagi o'yinlarda qahramonlik qilgan futbolchilarni yodga olishga qaror qildik.
"Barselona" - "Bayer" 2:1
Qahramon: Luis Suares o'yinda gol urdi va Serxi Robertoga golli pas oshirdi.
BATE - "Roma" 3:2
Qahramon: Belarus klubi hujumchisi Filip Mladenovich dublga erishdi va "bo'rilar"ni mag'lub etilishda katta xissa qo'shdi
"Bavariya" - "Dinamo Zagreb" 5:0
Qahramon: Robert Levandovski Xorvatiya klubi darvozasiga uch bor to'p kiritdi. Shu tariqa, polshalik hujumchi so'nggi 3 o'yinda 10ta gol urdi.
"Arsenal" - "Olimpiakos" 2:3
Qahramon: Felipe Pardo Kastro "Arsenal"ni Londonda mag'lub etilishida katta rol o'ynadi. Futbolchi 33-daqiqada hisobni ochdi. 66-daqiqada sherigiga gol urish uchun golli pas oshirdi.
"Makkabi Tel Aviv" - "Dinamo Kiev" 0:2
Qahramon: Kievliklarning paragvaylik hujumchisi Derlis Gonzales ikkala golga pas oshirdi.
"Portu" - "Chelsi" 2:1
Qahramon: Yasin Braimi o'yinda jamoasining yetakchisi bo'ldi va dastlabki golga hammualliflik qildi.
"Lion" - "Valensiya" 0:1
Qahramon: Uchrashuvdagi yagona golni urgan Sofyan Feguli jamoasiga g'alaba keltirdi.
"Zenit" - "Gent" 2:1
Qahramon: Braziliyalik Xalkning maydonga tushishi so'roq ostida edi. U maydonga tushdi va ikkita golli pas oshirishga ham erishdi.
Narzulla Saydullaev tayyorladi
