ЕЧЛ. "Арсенал" яна "Бавария"га тушди, ПСЖ - "Барселона" ва бошқа жуфтликлар

Швейцариянинг Цюрих шаҳрида Европа чемпионлар лигасининг нимчорак финал босқичига қуръа ташлай маросими бошланмоқда.

Европа чемпионлар лигаси 1/8 финалига йўл олган жамоалар:

"A" гуруҳидан: "Арсенал" ва ПСЖ.
"B" гуруҳидан: "Наполи" ҳамда "Бенфика".
"C" гуруҳидан: "Барселона" ва "Манчестер Сити".
"D" гуруҳидан: "Атлетико", "Бавария".
"E" гуруҳидан: "Монако", "Байер".
"F" гуруҳидан: "Боруссия Д", "Реал".
"G" гуруҳидан: "Лестер", "Порту".
"H" гуруҳидан: "Ювентус" ва "Севилья".

Эслатиб ўтамиз, гуруҳда биринчи ўринни эгаллаган жамоалар бошқа "квартет"даги иккинчи ўрин соҳиблари билан учрашишади. Фақатгина нимчорак финал қуръасида бир мамлакат жамоалари ва битта гуруҳдан ўрин олган жамоалар ўзаро дуч келишмайди.

16:05. УЕФА котиби Жоржио Маркетти сўзга чиқди ва жамоаларга омад тиламоқда.

16:07. Маркетти саҳнага Руд Гуллитни таклиф этди. Залга йиғилган барча меҳмонлар табиийки афсонавий футболчини қарсаклар билан кутиб олишди. Гуллит ўз фикрлари билан ўртоқлашмоқда.

Нимчорак финал жуфтликлари:

1. "Манчестер Сити" - "Монако"

2. "Реал" - "Наполи"

3. "Бенфика" - "Боруссия Дортмунд"

4. "Бавария" - "Арсенал"

5. "Порту" - "Ювентус"

6. "Байер" - "Атлетико"

7. ПСЖ - "Барселона"

8. "Севилья" - "Лестер"

Нимчорак финал ўйинларининг дастлабки беллашувлари 14/15 ва 21/22 февраль кунлари бўлиб ўтади. Жавоб учрашувлари эса 7/8 ва 14/15 март кунлари ўтказилади.