"Драган Черан Ўзбекистон терма жамоасига керакми?" (сўровнома якунлари)
10 янв 2021 14:47
Янгиликлар

"Драган Черан Ўзбекистон терма жамоасига керакми?" (сўровнома якунлари)

Шу йилнинг июль ойида Драган Чераннинг Ўзбекистондаги фаолиятига 5 йил тўлади.

Маълумки, ФИФА қоидаларига кўра, бир футболчи бошқа мамлакатда камида 5 йил ўйнаб, кейинчалик шу юрт фуқаролигини олса, миллий терма жамоада ўйнаши мумкин.

Шу боис Телеграм каналимизга "Пахтакор" етакчиси Драган Черан билан боғлиқ сўровнома қўйгандик. Маълумки, ўтган йил россиялик ҳимоячи Игорь Голбан Ўзбекистон терма жамоасида ўйнашга муваффақ бўлди. Балки бу мавсум Черанга ҳам шу насиб этар.

Сўровда қатнашганларнинг 66 фоизи "Черан Ўзбекистон терма жамоасига керакми?" деган саволга "Ҳа" деб жавоб беришган. 29 фоиз ўқувчи "Йўқ" вариантини танлаган ҳамда 5 фоиз мухлислар "Билмадим" деган фикрга келган.

Драган Черан шубҳасиз иқтидорли футболчи ҳамда сермаҳсул тўпурар. Мана кетма-кет иккинчи йилдирки Черан Ўзбекистон Суперлигаси тўпурари бўлди. Лекин гап миллий жамоа ҳақида борар экан, барибир етти ўлчаб бир кесишга тўғри келади. Ва бу ерда бош мураббийнинг ҳам фикри муҳим ўрин тутади.