Дилявер Ваниев: "Олдинги ўйиндан сабоқ чиқардик"

- Ўйин ҳақида

- Ўзбекистон Кубогида "Қўқон-1912"дан қабул қилиб олинган йирик ҳисобдаги мағлубият (0:4)дан сўнг йигитлар билан жиддий гаплашиб олгандик. Шу боис бугунги баҳсга жиддий аҳамият қаратгандик. 0:0 бўлиб турганда рақибда ҳам имкониятлар юзага келди. Олдинги ўйиндан сабоқ чиқардик. Энди кейинги учрашувларга ҳозирлик кўрамиз.

- Микола Агапов 3 та гол урди. Футболчини кейинроқ захирага олдингиз, балки охиригача имконият бериш керакмиди...

- У юқори даражали футболчи. ФИФА тўғри қарорга келди. У келгандан кейин жамоага катта ёрдам бермоқда. Ўзгариш қилганимизга сабаб у етарлича ўйин амалиётига эга бўлди, ёш футболчига имкон беришга қарор қилдик, бу нормал ҳолат. 

- "Машъал" Кубок учрашувида "Ғиждувон" билан 0:0 ўйнаганди. Шундан келиб чиқсак, асосий эътибор чемпионатга қаратилганми?

- Ўша ўйиндан қониқмагандим. Ротация ҳам бўлганди. Бугунги ва ўша ўйин ўртасидаги фарқни биринчи урган голимиз йўққа чиқарди. Олдинга интилишда давом этамиз.

Фурсатдан фойдаланиб, "Насаф"ни плей-оффга чиққани билан табриклайман! Бу Ўзбекистон учун катта рейтинг натижа келтиради.

Маълумот учун, "Ғиждувон" бош мураббийи Баҳодир Шаймардонов ўйиндан кейинги матбуот анжуманига қатнашмади.