Дилмурод Шавкатов: “БМБ ўз олдига юқори мақсадларни қўйган”

Янги жамоаси борасида Шавкатов қандай фикрда? Буни футболчи билан суҳбатимиз жараёнида билиб оламиз.

- БМБ клубига ўтишингиз қай тариқа амалга ошди?

- Мазкур жамоа ўз олдига юқори мақсадларни қўйгани сабабли менга таклиф билан чиқди. Клубнинг барча шароитлари менга маъқул келгани боис, шартнома имзоладим. 

- “Локомотив” сизни таркибда олиб қолиш учун янги шартнома таклиф қилмадими?

- Албатта, “Локомотив” томонидан ҳам янги таклиф бўлди. Аммо шартнома муддатим якунига етгани боис, БМБ таклифи мени кўпроқ маъқул келди. 

- Дебютант жамоага ўтишингиз молиявий томонга боғлиқлиги борми?

- Буни мен молиявий томонлама амалга ошди дея олмайман. Чунки “Локомотив”да ҳам шароитлар яхши эди. БМБ ўз таркибига миллий терма жамоанинг 7 нафар футболчисини қўшиб олгани ва мақсадлари юқори бўлгани туфайли шу қарорга келдим. 

- Ўтган мавсумда “темирйўчилар”даги фаолиятингиздан кўнглингиз тўлдими?

- Фаолиятимдан қониқиш ҳосил қилдим. Яхши мавсум ўтказдим дея оламан. Тўпурарлик рўйхатида Акбар Усмоновдан кейинги ўринни эгалладим. Бир сўз билан айтганда, фаолиятимдан кўнглим тўлди. 

- Бу жамоа Олий лига чемпионлиги учун кураша оладими?

- Албатта. Таркиб янада кучайтирилмоқда. Ишонаманки, биз чемпионлик учун кураша оламиз.