Дибала қишда "Юве"дан кетади. Паулога Испания ва Англиядан чорловлар тушмоқда

"Дибалани захира ўриндиғида ўтирганини кўрсам йиғлагим келади. Пауло Аллегри туфайли захирада қолмоқда. Массимилиано Аллегри "Палермо"га келиб скудеттони ютиши керак. "Ювентус"ни бошқариб феномен бўлиш осон. Зўр бўлса "Палермо"ни чемпион қилсин! Бундан икки йил аввал мен Дибалага футбол ўйнаш учун Испанияга йўл олишини тавсия қилиб хабарнома юборгандим. Италиядан қолгандан маъно йўқ, футбол ўйнаш учун Испанияга йўл олиш Дибала учун маъқул вариант. Дибала қишда кетади. Чунки "Ювентус" Дибалани олиб ўтиргандан кўра 120 миллион еврони қўлга киритишни истамоқда. Ўйлашимча, Пауло қишда Испанияга кетади. Унга Англия ва Испаниядан таклифлар мавжуд. "Ювентус" таркибида чемпионлар кўп, уларни ҳаммасини ўйнаши эса жуда қийин. Дибаладек феномен футболчи ўйнамасдан захирада қолаётганини кўриш азоб", - дейди Маурицио Дзампарини.

Эслатиб ўтамиз, Дибала "Ювентус"га қадар айнан "Палермо"да ўйнаган ва клуб хўжайини Дзампарини билан жуда яхши алоқада.

Пауло Дибалага "Реал" томонидан жиддий қизиқиш бўлаётгани трансфер ойнасининг сўнгги кунларида жуда кўп бор ёзилганди. Аммо якунда ушбу трансфер амалга ошмади.

Қишда очиладиган трансфер ойнасида Дибала "Ювентус"дан кетиши тахмин қилинмоқда. Даъвогарлар қаторида "Реал" ва Англиянинг бошқа жамоалари ҳам бор.

Шуни қайд этиш керакки, бу йилдан эътиборан ЕЧЛда қайдномага киритилган ва ўйнаган футболчи қишдаги трансфер ойнаси пайтида бошқа жамоа ўтса, унда ЕЧЛ плей-офф учрашувларини янги жамоаси сафида давом эттиришига рухсат берилади. Авваллари ЕЧЛ гуруҳ босқичида бошқа жамоада ўйнаган футболчи қишки трансфердан сўнг янги клуби таркибида ЕЧЛда қайдномага киритилмасди.