UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  4 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Дердийокнинг кетиши "Пахтакор"га қимматга тушади! Янгиликлар

Дердийокнинг кетиши "Пахтакор"га қимматга тушади!

Суперлиганинг 10-тури доирасидаги "Сўғдиёна" билан ўйиндан кейин "шерлар" бош мураббийи Питер Хюистра шартнома билан боғлиқ муаммо бўлгани туфайли Эрен Дердийок жамоани тарк этгани ҳақида айтди.

Умуман олганда, охирги ҳафтада швейцариялик форварднинг маоши жуда кўп муҳокама қилинди. Ўзим ҳам унинг битта голи Тошкент клуби учун 149 минг еврога тушаётгани ҳақида ёзгандим.

Эрен Дердийокнинг битта голи неча пул туради? Унинг "Пахтакор"даги бир куничи?

Шундан кейин сайтимизда сўровнома ўтказилди. Унда мухлисларнинг аксар қисми "Яхши бўлди, шунча пул олиб фойдаси тегмаётганди", деган қарорга келган.  Бу қанчалик тўғри? Қуйида шу ҳақда.

Шартнома борасида клуб учун муаммо пайдо бўлган эса, тахмин қилиш мумкинки, Эрен ҳамкорлик битимини бир томонлама бузган. 

Хабарингиз бор, мавсум аввалида "Пахтакор" футболчиларига бир неча ойлик маош тўланмаётгани тўғрисида хабарлар тарқалганди. Бу рост бўлса, Дердийокда клуб билан шартномани бир томонлама бекор қилиш ҳуқуқи пайдо бўлади ва клуб айбдор деб топилади. ФИФА қоидаларига кўра, икки ой муддат давомида ойлик тўланмаган тақдирда футболчи ўртадаги шартномани бузиб кетса, ўйинчи ҳақ деб топилади. Биз бу борада халқаро спорт ҳуқуқи бўйича мутахассисларимиздан бири билан боғланиб, воқеалар ривожининг эҳтимолий кўриниши билан қизиқдик.

"Пахтакор" футболчини 2 ой мобайнида ойлик маошсиз қолдирган бўлса, унда шартномани бузиб кетиш ҳуқуқи пайдо бўлади. Агар, Эрен билан ҳам шундай бўлса, бу клуб учун жуда ҳам жиддий сигнал. Чунки бундай ҳолатда "Пахтакор" шартноманинг охиригача мўлжалланган суммани тўлаб беришга мажбур бўлади, ҳатто ундан ҳам қимматроққа тушиши мумкин. Яъни, Эрен ўша маошни ўйнамасдан туриб, жарақ-жарақ санаб олаверади. 

Умид қиламизки, келишув иккала томоннинг розилиги билан бузилган. Акс ҳолда, Швейцариялик футболчи тез орада ФИФАга арз ёзишини тахмин қилиш қийин эмас", - дейди мутахассис.

Эслатиб ўтамиз, бу каби ҳолатлар футболимизга бегона эмас. 2014 йилда "Бунёдкор" билан шартномани шу ваъж билан бекор қилиб кетган Сергей Симоненко 2019 йилда ўз пулларини (400 млн сўм атрофида) ФИФА орқали ундириб олган бўлса, 2020 йилда Наманганнинг "Навбаҳор" клуби Александр Беленковга 500 минг доллардан ортиқроқ маблағни тўлаб беришга мажбур бўлган эди.

Хуллас, агар Дердийок шартномани бир томонлама бузган бўлса, "Пахтакор" қимматга тушади. ФИФА ҳар қанақасига ҳам швейцариялик футболчининг ҳаққини ундириб беради. Бу ҳақда "шерлар" матбуот хизматидан маълумот олишга ҳаракат қилиб кўрдик. "Пахтакор" вакилининг таъкидлашича, бу борада жамоа ҳуқуқшунослари ишлаяпти ва тез орада расман эълон қилинади. Воқеалар ривожини бирга кузатамиз, Championat.asia'дан узоқлашманг!

P.S. "Пахтакор" қишда Дердийок билан хайрлашиб, ундан 6 баробар арзонроққа ўйнайдиген Игорь Сергеевни ушлаб қолса, клуб учун ҳар томонлама фойдали бўлар эди. Швейцариялик футболчи жорий мавсум "шерлар" либосида 13 ўйин ўтказиб, 4 та гол урди.

Фахриддин Рўзиев

Муаллиф :
Рейтинг: +15   

Фикрлар

championat.asia
< сўнгги янгиликларни кўриш
Яндекс.Метрика