Депай: "Барселона"га Кумансиз ҳам ўтган бўлардим"
23 июл 2021 08:13
Янгиликлар

Депай: "Барселона"га Кумансиз ҳам ўтган бўлардим"

Мемфис Депай "Барселона" футболчиси бўлганидан сўнг ўз фикрлари билан ўртоқлашди.

"Бу ерда бўлиш - мен учун шараф. Болаликдаги орзуим ушалди. Музокаралар узоқ давом этди, аммо бу ерда ўйнаш истаги доим бор эди. Бунинг амалга ошишига имкон берган клуб президенти ва раҳбариятига раҳмат айтаман.

Шунингдек мураббийдан ҳам миннатдорман. Куман Нидерландия терма жамоасида мендан марказий ҳужумчи сифатида фойдаланди ва ўзимни қулай ҳис қилишимга ёрдам берди. Бунинг учун унга раҳмат айтишим керак.

Агар у бўлмаганида ҳам "Барселона"га ўтган бўлардим. Чунки бу таклифга рад жавобини беришнинг иложи йўқ. Аммо ушбу трансферга у ўзининг катта ҳиссасини қўшди", - деди Депай.

Ҳавола :

Манба : Marca

Янгиликларни Телеграмда ўқинг!

Рейтинг: +2