Де Пауль: "Бу ажойиб клуб тарихини ёзишни давом эттирмоқчиман"
29 июл 2021 12:37
Янгиликлар

Де Пауль: "Бу ажойиб клуб тарихини ёзишни давом эттирмоқчиман"

Ярим ҳимоячи Родриго Де Пауль "Атлетико"га ўтганидан сўнг, клубдагилар уни қандай қабул қилгани ҳақида гапирди.

"Бу улкан клуб, аммо бу ерда ишлайдиган одамлар сабабли сен оиланинг бир қисми эканлигингни ҳис қиласан.

Бу орзуларимдан бири эди ва амалга ошди. Мен жамоадаман ва менга эшикларини очган бу ажойиб клуб тарихини ёзишда давом этмоқчиман.

Шерикларим мени яхши қабул қилишди, бахтлиман ва жамоа ҳаёти ритмига мослашишга ҳаракат қиляпман. Жамоада дунёнинг энг кучли мураббийларидан бири борлиги хурсанд қилади. Албатта, мени ундан ўрганадиган нарсаларим кўп ва бу мотивация беради.

Бизнинг футболни тушунишимиз ўхшаш. Жамоадаги рақобат барчамизга ёрдам беради, мен айнан жамоага ёрдам бериш учун шу ердаман", - дейди Де Пауль.

Эслатиб ўтамиз, Мадрид клуби аргентиналик хавбек учун "Удинезе"га 35 миллион евро тўлади.