Давронжон Эргашев: “Голим "Бунёдкор"га ғалаба келтирганидан хурсандман”

Учрашув 2:1 ҳисобида “Бунёдкор”нинг ғалабаси билан якунланди. Мазкур баҳсда “қалдирғочлар”нинг тожикистонлик ҳимоячиси Давронжон Эргашев гол уриб, тошкентликларга уч очко келтирди. Учрашувдан сўнг Эргашев ўйиндан олган таассуротлари билан ўртоқлашди.

“Ўйинга астойдил тайёргарлик кўргандик. Мазкур ўйинда бизни ғалабадан бошқа натижа қониқтирмасди. Бош мураббий берган кўрсатмаларга амал қилган ҳолда тезкор голларни уриб олдик. Бу эса бизнинг устунлигимизни янада ошириб берди. Ўз навбатида рақиб ҳам яхшигина қаршилик қилди.

Ростиси, ўйинда ким гол уриши аҳамиятли эмасди. Муҳими, ғалаба қозониб, очколаримиз сонини ошириб олиш ниятида эдик. Гол уриб, жамоамизга ғалаба келтирганимдан жуда хурсандман”, - дея фикрларини якунлади Эргашев.