Даврон Файзиев: “Йирик ғалабага эришган бўлсак ҳам футболчиларимнинг ҳаракати менга ёқмади”
06 май 2017 22:57
Янгиликлар

Даврон Файзиев: “Йирик ғалабага эришган бўлсак ҳам футболчиларимнинг ҳаракати менга ёқмади”

Олий лиганинг 9-турида “Сўғдиёна” ўз майдонида Муборакнинг “Машъал” жамоасини қабул қилди ва 3:0 ҳисобида ғалаба қозонди.

Ўйиндан сўнг мезбонлар бош мураббийи Даврон Файзиев матбуот анжуманида қатнашди.

- Натижани ҳисобга олмаса ўйиндан қониққаним йўқ. Муҳими натижа ва ишончли ғалабани қўлга киритдик. Бугунги ўйинда мени фақат натижа қониқтирди. Футболчиларнинг ҳаракати менга ёқмади. Тўғри натижа муҳим, футбол муҳлислар учун ўйналади, лекин мураббий учун ўйин мухимроқ. Чиройли ўйин кўрсата олмаганимиз учун мухлислардан узр сўрайман.

“Олмалиқ”, “Обод”, “Нефтчи” билан уйда ўйнаган бўлсак, бугун энг ёмон ўйинни кўрсатдик. Олдинда муҳим учрашувлар турибди. Бизнинг асосий уч ҳимоячимиз бири четлатилган, бири жароҳат олган. Бири бугун тўртинчи сариқ карточкасини олди. Бу биздаги камчилик. Бу баҳона ёки сабаб эмас. Мураббий учун бу оғир. Уларни ўрнини тўлдириш оғир бўлади. Биз ўз устимизда ишлашда давом этамиз. Мухлисларимизни ғалаба билан табриклайман, – дейди Файзиев.

“Сўғдиёна” матбуот хизмати