Даврон Файзиев: "Қизилқум" бизга ҳеч қандай имконият қолдиргани йўқ"
14 мар 2015 20:51
Янгиликлар

Даврон Файзиев: "Қизилқум" бизга ҳеч қандай имконият қолдиргани йўқ"

"Қизилқум" - "Сўғдиёна" (4:1) учрашувидан сўнг ташкил этилган матбуот анжуманида дастлаб меҳмонлар устози Даврон Файзиев иштирок этди.

"Барчани янги мавсум билан табриклайман. Ўйин борасида "Қизилқум" жамоаси ҳақиқий иштиёқ, характер эвазига ғалаба қозонди. Мезбонларда имконият кўпроқ бўлди. Рақиб бизни хато қилишга мажбур қилди. Ҳимоячиларимиз қўпол хатоларга йўл қўйишди. Бунинг натижасида биз йирик ҳисобда ютқаздик. "Қизилқум" бизга ҳеч қандай имконият қолдиргани йўқ. Ҳар бир хатода улар бизни жазолашди. Агар биз биринчи гол урганимизда балки натижа бошқача бўлиши мумкин эди", - дейди Файзиев.

- "Сўғдиёна"ни бир қатор тажрибали футболчилар тарк этди. Уларнинг ўрнига керакли ўйинчилар талкиф этилдими?
- Сўнгги 3 йиллик таркибдан 10 фоизи қолди холос. Мураббий сифатида ўзимни оқламоқчи эмасман. Жамоа ютқаздими демак менда айб бор. Янги тузилган жамоадан дарҳол натижа талаб қилиш тўғри эмас. Биринчи бўлимда ўйинимиз умуман қовушмади.

- Биринчи турдаги натижалар кутилмаган бўлдими?
- Барча учрашувларда кутилмаган натижалар бўлди. "Қизилқум" ҳам йирик ҳисобда ютишини ҳеч ким кутмаганди. "Динамо" ўз майдонида ютқазди, "Навбаҳор" мағлуб бўлди. Суперкубок соҳиби, чемпион ғолиб бўла олмади. Бу - футбол. Кимдир ютади, кимдир ютқазади. Жамоа ғолиб бўлади, ютқазса мураббий ютқазади.

"Сўғдиёна" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: