UZ

Сўнгги янгиликлар

08:22"Андижон" Украина терма жамоаси собиқ футболчиси билан шартнома тузди  0 07:56Гвардиола Ҳусановни жароҳат олганини тасдиқлади  2 07:10Эксперт фикри. Камолиддин Мурзоев: "Навбаҳор"нинг натижаси аянчли, лекин кимнидир ерга уриш ёки кўтариш ноўрин"  1 01:56Ла Лига. "Барселона" "Хетафе"ни йирик ҳисобда мағлуб этди, Торрес дубл қайд этди  9 01:53А Серия. "Рома", "Аталанта" ва "Интер"да ғалаба  0 01:29Эрон Про лигаси. "Трактор" меҳмонда "Сепахон"ни мағлуб этди, Ҳамробеков захирадан тушди  2 00:20"Андижон" ўз майдонида "Сўғдиёна" билан дуранг ўйнади. "Насаф" эса сўнгги дақиқаларда "Қизилқум" устидан ғалаба қозонди  1 00:10АПЛ. "Арсенал" - "Манчестер Сити" 1:1  0 00:05COPE: Бускетс МЛС мавсуми сўнггида фаолиятини якунлайди  0 23:30Акмал Рустамов: "Ҳакам қоида бузилишини атайин кутди"  26 23:03Максим Шацких: "Биринчи таймда шунча вазият яратиб, гол ура олмасликни қандай изоҳлаш мумкин, билмадим"  8 22:48Рўзиқул Бердиев: "Бизга бугун уч очко жуда зарур эди"  21 22:34АПЛ. "Арсенал" "Манчестер Сити" билан ўйиннинг сўнгги дақиқаларида мағлубиятдан қутулиб қолди, Ҳусанов жароҳат сабаб бир тайм ўйнади  59 22:14Иван Бошкович: "Рубин Хебайда жароҳат бор"  1 21:25Ла Лига. "Атлетико" меҳмонда "Мальорка" билан дуранг ўйнади, мадридликлар ўйинни ўн киши бўлиб якунлашди  3

Coca Cola Суперлигаси. "Навбаҳор" пенальти эвазига "Динамо"ни мағлуб этди Янгиликлар

Coca Cola Суперлигаси. "Навбаҳор" пенальти эвазига "Динамо"ни мағлуб этди

Теглар :  НавбаҳорДинамо
Coca Cola Суперлигасининг 21-туридан ўрин олган "Навбаҳор" - "Динамо" учрашуви бўлиб ўтди.

 

Учрашув ҳар икки жамоа аъзоларининг майдондаги фаол ҳаракатлари билан бошланди. Биринчи бўлимнинг 2-дақиқасидаёқ мезбонларда ҳисобни очиш учун имконият юзага келди. Бу вазиятда Азизбек Турғунбоевнинг меҳмонлар дарвозаси томон йўллаган зарбаси дарвоза тўсини юқорисидан ўтиб кетди. Орадан бир дақиқа ўтиб яна "Навбаҳор" вакилларида гол киритиш учун жуда қулай имконият юзага келди. Мезбонларнинг 16-рақамли футболчиси Абдулҳай Исмоилов яқин масофадан йўллаган зарбасини "Динамо" посбони Ботирали Эргашев маҳорат кўрсатиб қайтариб қолди.

10-дақиқада самарқандликларда ҳам мезбонлар дарвозасини ишғол этиш учун имконият юзага келди,"Динамо"нинг 18-рақамли футболчиси Аббос Шодмоновнинг узатмасидан сўнг Амиржон Сафаров тўпни "Навбаҳор" дарвозаси томон йўллади, бир оз ноаниқ.

Биринчи бўлимнинг 16-дақиқасида наманганликлар сафида мажбурий ўзгариш амалга оширилди. Ўйиннинг илк дақиқаларида бир оз жароҳат олган Абдулҳай Исмоилов ўрнига майдонга Муҳаммаджон Султонов туширилди. 20-дақиқада "Навбаҳор"нинг легионер футболчиси Александр Касьян томонидан бош билан йўлланган зарбани меҳмонлар ҳимоячиси бартараф этди.

Учрашувнинг 31-дақиқасида меҳмонлар футболчиси Сардор Эминовнинг зарбасини мезбонлар посбони Ўткир Юсупов эгаллаб олди. 34-дақиқада самарқандликлар ўз жарима майдончалари яқинида Александр Касьянга нисбатан ўйин қоидасини бузишди. Натижада учрашувни бошқариб бораётган ҳакам самарқандликлар дарвозасига жарима зарбаси белгиланди. Белгиланган жарима тўпини доимгидек Азизбек Турғунбоев амалга оширди, бироқ унинг зарбасини самарқандлик ҳимоячилар қайтариб қолишга муваффақ бўлдилар.
Биринчи бўлим сўнгига қадар жамоаларда гол киритиш учун имкониятлар юзага келган бўлсада, дарвозалар дахлсиз қолди - 0:0.

Иккинчи бўлим ҳам ҳар икки жамоа вакилларининг ҳужумкор руҳдаги ўйини билан бошланди.

54-дақиқада "Навбаҳор" вакиллари томонидан ташкил этилган ҳужумни меҳмонлар посбони Ботирали Эргашев қайтариб қолди.

Учрашувнинг 71-дақиқасида самарқандликлар ўз жарима майдончалари ичида Александр Касьянга нисбатан ўйин қоидасини бузишди. Натижада учрашувни бошқариб бораётган бош ҳакам Шерзод Қосимов 11-метрлик нуқтани кўрсатди. Белгиланган пенальтини жабрланувчининг ўзи аниқ амалга ошириб, ҳисобни очди - 1:0.

80-дақиқада меҳмонлар футболчиси Қадамбой Нурметов майдондан четлатилди. Натижада "Динамо" футболчилари майдонда 10 киши қолишди.
Учрашув шу тариқа "Навбаҳор"нинг кичик 1:0 ҳисобидаги ғалабаси билан якунига етди.



19:15 - НАВБАҲОР – ДИНАМО 1:0
Ҳакамлар
: Шерзод Қосимов (Тошкент), Алишер Усмонов (Тошкент), Санжар Шоюсупов (Тошкент), Ҳусан Музаффаров (Тошкент)
Назоратчи: Константин Смирнов (Қарши)
Комиссар: Эркин Бахтиёров

Гол: Александр Касьян 71 пенальти, - 1:0.

“Навбаҳор”: 1. Ўткир Юсупов, 7. Азимжон Аҳмедов, 8.Шаҳзод Шайманов, 10. Азизбек Турғунбоев (91. Шерзод Ҳакимов, 62), 11. Александр Касьян, 15. Обид Жўрабоев, 16. Абдулҳай Исмоилов (98. Муҳаммаджон Султонов, 16) (95. Нодир Мавлонов, 79), 19. Мирзоҳид Ғофуров, 22. Игорь Голбан (с), 55. Ғиёсжон Комилов, 99. Амирбек Жўрабоев.
Захирадагилар: 23. Дилшод Ҳамроев, 4. Азиз Ибрагимов, 5. Славко Лукич, 29. Ҳожиакбар Юнусов, 34. Комилжон Тожидинов, 7. Аюбхон Номанов.

“Динамо”: 1. Ботирали Эргашев, 2. Миркомил Лоқаев, 4. Ҳакимжон Аъламхонов, 7. Жасур Азимов (с), 10. Амиржон Сафаров, 11. Қадамбой Нурметов, 16. Бобур Қосимов (6. Акмал Холмуродов, 57), 18. Аббос Шодмонов (27. Ихтиёр Тошпўлатов, 65), 20. Сирож Ҳамроев, 23. Сардорбек Эминов (34. Шоҳруҳбек Абдураҳмонов, 79), 24. Жасурбек Ўринов.
Захирадагилар: 22. Шоҳруҳжон Раимов, 8. Тимур Шарипов, 9. Низомжон Норов, 21. Дамир Темиров, 28. Обиджон Ҳакимов, 44. Дилмурод Каримов. 

Огоҳлантиришлар: Обид Жўрабоев 45, Акмал Холмуродов 59, Жасурбек Ўринов 70, Муҳаммаджон Султонов 75, Мирзоҳид Ғофуров 85, Жасур Азимов 89,

Четлатиш: Қадамбой Нурметов 80.


Навбаҳор

Александр Касьян - 71'

Суперлига. 21-тур

01/10/2019, 19:15

0
:
1
Тугади

Динамо

45'
90'
71'  Александр Касьян
80'  Қадамбой Нурметов

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика