UZ

Сўнгги янгиликлар

13:17"Локомотив" янги футболчиларни таништирди  6 13:03"Ювентус" Гвардиолага "Ман Сити"даги маошидан икки баравар кўпини беришга тайёр  2 12:41Чемпионлар лигаси. Бугунги баҳслар учун тахминий таркиблар  9 12:39"Интер Майами" MLSдаги илк мавсуми учун либосларини намойиш этди  1 12:24"Барселона"нинг Неаполдаги машғулотидан 12та сурат  6 12:07Илҳом Мўминжоновнинг дисквалификация муддати қисқартирилди  82 11:51Месси, Серена ва Болт иштирокидаги янги реклама ролиги намойиш этилди  8 11:48"Реал" Холанд сабаб Мбаппенинг трансферидан воз кечмоқда  13 11:29Карикатура: Бугун Чемпионлар лигаси  13 11:14Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)  11 11:08Расман: "Ювентус" - "Интер" ўйини мухлисларсиз ўтади  8 10:45Ўзбек футболи. Ҳозирда мураббий бўлиб ишлаётган собиқ футболчилар  18 10:20"Ливерпуль"га чемпионлик учун яна нечта ўйин керак?  38 10:00Olamsport: Рустам Тўлаганов 10 раундлик жанг ўтказади, Жошуа - Фьюри дербиси бўладими?  0 09:45Тиаго Силва ва Андер Эрреранинг қанча муддатга сафдан чиққанлиги маълум бўлди   0

Coca-Cola Суперлигаси. Холмуҳаммедовнинг жаримадан урган голи эвазига "Қўқон 1912" "Насаф"ни мағлуб этди Янгиликлар

Coca-Cola Суперлигаси. Холмуҳаммедовнинг жаримадан урган голи эвазига "Қўқон 1912" "Насаф"ни мағлуб этди

Coca-Cola Суперлигасининг 18-туридан ўрин олган "Қўқон-1912" - "Насаф" учрашуви бўлиб ўтди.

Учрашув майдон эгалари ҳужумкор ўйини билан бошланди. Илк дақиқалардаёқ "Қўқон 1912" футболчилари жарима тўпи тепиш ҳуқуқига эга бўлдилар. Бу вазиятда Мурод Холмухаммедовнинг жаримадан йўллаган кучли зарбаси бир оз ноаниқ кўриниш ҳосил қилди. Биринчи бўлимнинг 5-дақиқасида келиб "Насаф" жамоаси футболчиси Хумоюн Муртазоевнинг мезбонлар дарвозаси томон тепган тўпига аниқлик етишмади. 12-дақиқада бурчакдан етказиб берилган тўпни Шахбоз Эркинов боши билан қаршиликлар дарвозаси томон зарба берди, бир оз ноаниқ.

Учрашувнинг 20-дақиқасида "Насаф"нинг 28-рақамли футболчиси Хуршидбек Мухторовнинг ерлатиб йўллаган зарбасини қўқонликлар посбони Ислом Абдуллаев эгаллаб олди. 30-дақиқадага келиб "Қўқон 1912" футболчиларида қаршиликлар дарвозасини ишғол этиш учун қулай имконият юзага келганда, бироқ бу вазиятда Шахбоз Эркинов томонидан йўлланган зарбани "Насаф" посбони қийинчилик билан бартараф этди. 37-дақиқада меҳмонлар "Қўқон 1912" дарвозасига тўп киритишганди, бироқ ён ҳакам вазиятни "ўйиндан ташқари холат" деб баҳолади, Хумоюн Муртазоев томонидан киритилган гол инобатга олинмади. Учрашув бош ҳаками томонидан биринчи бўлимга қўшиб берилган дақиқалар ўтиб бораётган паллада мезбонларнинг 10-рақамли футболчиси Қувондиқ Рўзиевнинг зарбаси дарвоза устунига тегиб қайтди.

Биринчи бўлим сўнгига қадар дарвозаларга гол киритилмади ва 0:0 ҳисобида якунига етди.

Иккинчи бўлим ҳар икки жамоанинг фаол ҳаракататлари билан бошланди. Бўлимнинг дақиқаларида тўп учун кураш асосан майдон марказида кечди.

Учрашувнинг 55-дақиқасида яна ўша Шаҳбоз Эркинов қаршиликлар дарвозасини ишғол этиш қулай имкониятга эга бўлди, унинг бош билан йўллаган зарбаси хавфли чиқди. 55-дақиқада мезбонлар томонидан ижро этилган жарима зарбаси самарасиз якунланди. Учрашувнинг 58-дақиқасида қаршиликларнинг 14-рақамли футболчиси Шароф Муҳитдиновнинг кучли зарбасини "Қўқон 1912" посбони маҳорат кўрсатиб, майдон ташқарисига чиқариб юборди.

Шундан сўнг учрашувда ҳисобни очиш учун ҳар икки жамоа вакилларида имкониятлар юзага келган бўлсада, мухлислар ўйиндаги дастлабки голни 82- дақиқага келиб кўришга муваффақ бўлдилар. Жарима зарбаси, тўп ёнида доимгидек Мурод Холмухаммедов, зарба ва гол! "Қўқон 1912" учрашувнинг 81-дақиқасида ҳисобда олдинга чиқиб олди - 1:0. 89-дақиқада "Насаф" жамоаси вакилларида ҳисобни тенглаштириш учун имконият юзага келганди, бироқ бу вазиятда Дилшод Саитовнинг зарбасига аниқлик етишмади.
Учрашув шу тариқа "Қўқон 1912"нинг 1:0 ҳисобидаги ғалабаси билан якунига етди.

Шу куни Қўқон шаҳридаги "Марказий" ўйингоҳга кўплаб футбол мухлислари ташриф буюриб, бутун учрашув давомида севимли жамоаларини қўллаб-қувватлаб турдилар. Айтиш жоизки, кам сонли “Насаф" жамоаси мухлислари узоқ йўл босиб Қўқон шаҳрига етиб келганликлари эътирофга лойиқ.


Coca-Cola Суперлига, 18-тур

27.08.2019, 17:00

"Қўқон-1912" - "Насаф" 1:0

Ҳакамлар: Темур Тўхтасинов, Анвар Маражабов, Зиёдулло Абдураҳмонов, Абдурашид Худойберганов

Назоратчи: Сайфиддин Эрматов

Комиссар: Лазиз Қўчқоров

Гол: Мурод Холмуҳаммедов 81, - 1:0.

"Қўқон-1912": 1.Ислом Абдуллаев, 4.Cобит Синдаров, 7.Жамшид Ҳасанов, 10.Қувондиқ Рўзиев, 14.Аваз Маматхўжаев, 15.Ойбек Рустамов, 17.Жаҳонгир Аҳмадов, 19.Суҳроб Бердиев, 22. Шаҳбоз Эркинов, 65. Марко Милич, 70. Мурод Ҳолмуҳаммедов.

Захира: 33.Музаффар Абдуллаев, 5.Ҳожимат Эркинов, 9.Зафар Тўраев, 11.Тимур Ҳакимов, 16. Жасур Ҳасанов, 20.Иқбол Маликжонов, 27.Жасур Ёқубов, 72.Алишер Саматов, 91.Отабек Ҳайдаров.

"Насаф": 35.Абдувоҳид Неъматов, 4.Ҳусниддин Алиқулов, 6.Азизжон Ғаниев, 9.Ҳумоюн Муртозаев, 10.Бобир Абдихолиқов, 14.Шароф Муҳитдинов, 17.Дониёржон Нарзуллаев, 22.Акмал Мозговой, 28.Хуршидбек Мухторов, 34.Шерзод Насруллаев, 92.Умарбек Эшмуродов.

Захира: 21.Машҳуржон Муҳаммаджонов, 2.Сардор Саъдуллаев, 5.Ғолиб Ғайбуллаев, 8.Дилшод Саитов, 15.Жўрабек Маннонов, 16.Алишер Юсупов, 19.Сардор Абдураимов, 20. Ислом Кенжабоев, 30. Худоёрхон Сагдуллаев.


Қўқон-1912

Мурод Холмуҳамедов - 81'

Суперлига. 18-тур

27/08/2019, 17:00

0
:
1
Тугади

Насаф

45'
90'
81'  Мурод Холмуҳамедов


Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг