Чен Юнг Шенг: "Шогирдларим биринчи 5 дақиқада ўзини йўқотиб қўйди"
13 фев 2016 18:41
Янгиликлар

Чен Юнг Шенг: "Шогирдларим биринчи 5 дақиқада ўзини йўқотиб қўйди"

Хитой Тайпеи ва Таиланд ўртасидаги баҳсдан (2:7) сўнг, тайпейликлар бош мураббийи Чен Юнг Шенг иштирокида матбуот анжумани бўлиб ўтди.

Чен Юнг Шенг: "Шогирдларим биринчи 5 дақиқада ўзини йўқотиб қўйди ва рақиб 2 та гол уриб олди. Футболчиларимиз мувозанатни тиклаш учун жуда кўп куч йўқотди. Улар ўйинни бошқаришди. Иккинчи бўлимда яхши ҳимояланиш ва қарши ҳужумга ўтишни айтган эдим. Аммо буни эплай олмадик.

Таиланд жуда кучли жамоа. Улар ҳар дақиқада гол уриш учун қулай имкониятга эга бўла олишади. Шогирдларимга бироз тажриба етишмади, лекин улардан мамнунман.

Рақиб биринчи ўйинга нисбатан бошқа ўйин кўрсатди, шу сабабли биз қийинчиликларга учрадик. Бу баҳсда мағлуб бўлганимизга қарамасдан, келаси учрашувда ғалаба қозонишга интиламиз.

Ҳавола :

Манба : championat.asia

Янгиликларни Телеграмда ўқинг!

Рейтинг: