UZ

Сўнгги янгиликлар

16:20"Евро-2024"да ҳеч ким Англия билан тенглаша олмайди"  3 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  2 15:26Суперлига. 4-тур учрашувларини ўтказиб юборадиган футболчилар  2 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  5 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4

"Чемпионлик учун курашда давом этамиз. Жамоани ичидаги гап шу ерда қолиши керак" — "Қизилқум"нинг сербиялик топилмаси яна нималар деди? Янгиликлар

"Чемпионлик учун курашда давом этамиз. Жамоани ичидаги гап шу ерда қолиши керак" — "Қизилқум"нинг сербиялик топилмаси яна нималар деди?

Никола Лазаревич бошчилигидаги "Қизилқум" танаффусга кўтаринки кайфиятда йўл олди.


Жиззахда "Сўғдиёна" йирик ҳисобда таслим қилинган учрашувдан сўнг биринчи даврада жамоанинг ҳақиқий етакчисига айлана олган Александар Станиславлевични интервьюга таклиф қилдик. Дарҳақиқат сербиялик ярим ҳимоячининг ортда қолган ўйинлардаги статистикаси ажойиб эканлигини кўришимиз мумкин, у рақиблар дарвозасини 5 бор ишғол қилди ва 7та голга ассистентликни амалга оширди. 



- Александар дастлаб "Сўғдиёна" билан учрашув ҳақида фикрларингиз билан ўртоқлашсангиз. Шу куни мезбонларда чарчоқ аломатлари сезилгани ва бор кучи билан ўйнамагани "Қизилқум"нинг фойдасига ишладими?

- Аввало бизни қўллаб-қувватлаган мухлисларга раҳмат айтмоқчиман. Ушбу учрашувга жуда яхши тайёргарлик кўргандик. 

- Ушбу учрашувга қадар жамоанинг ички муҳити яхши эмаслиги ҳақида хабарлар чиққанди...

- Клуб ва жамоадаги вазиятга келсак, буни оммага чиқариш шарт эмас. Шу ерда қолиши керак. Барчасини ёпиқ эшиклар ортида ҳал қиламиз. 

- Навоийда "Пахтакор"дан учралган мағлубиятдан сўнг клубдагилар билан низо юзага келгани ҳақиқатми? 

- Албатта, "Пахтакор"га қарши ўйиндаги мағлубиятдан сўнг норозилик кайфияти йўқ эмасди. Муҳими клубдаги асосий персоналлар бизда яхши жамоа борлигига ишонишади. Ҳар бир ўйинда ғалаба кутишади. Бу тушунарли ва табиий ҳолат.


- Биринчи даврадаги натижадан қониқдингизми?

- Фикримча биринчи даврада яхши қатнашдик. Гарчи бир нечта ўйинларда мағлубиятга учраган бўлсакда, чемпионлик учун курашда давом этяпмиз. Бундан ҳам яхшироқ натижа қайд этишимиз мумкин. Иккинчи даврани Жиззахда қолган жойидан давом эттирамиз. 

- Ўзбекистон Суперлигасида дебют қилдингиз. Бу борадаги таассуротларингиз қандай?

- "Қизилқум" ўйнаётганимдан хурсандман. Бизда яхши жамоа бор. Буни юқорида ҳам айтдим. Муҳими футболчиларнинг характери аъло. Мазкур омил менга янада қулайликлар туғдирмоқда. 

- Ҳакамлик ва ташкилий ишларга қандай баҳо берасиз?

- Ҳакамликдан кўнглим тўқ. Улар имкон қадар ўйинларни хатосиз бошқаришга ҳаракат қилишмоқда. Барчаларига раҳмат.

Абдулазиз Искандаров суҳбатлашди

Муаллиф : Iskandarov Abdulaziz
Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика