"Челси"нинг А Серияда ўйнаётган ижарадаги ўйинчиси жамоага қайтиши мумкин

Журналист Николо Скиранинг хабарига кўра, 27 ёшли французни лондонликлардан ижарага олган итальян клуби футболчини харид қилишни режалаштирмаяпти. Шу билан бирга ўйинлар сонига боғланган 15 миллион евро миқдоридаги харид қилиш мажбуриятини эндиликда фаоллаштириб бўлмайди.

"Милан" Бакайокога ишонч билдирмаяпти ва унинг ўрнини "Торино"да ижарада ўйнаётган Томмасо Побега билан тўлдирмоқчи.

Бакайоко 2021/22 йилги мавсум "Милан" таркибида 17та ўйинда майдонга тушди. Футболчи 2022 йилнинг 17 январидан бери ўйнамаяпти - ўшанда у "Специя" (1:2)га қарши тўлиқ ўйин ўтказган.