"Челси" собиқ дарвозабони: "Ҳозирги таркибдаги футболчиларнинг ярмини танимайман"
16 сен 2023 10:55
Янгиликлар

"Челси" собиқ дарвозабони: "Ҳозирги таркибдаги футболчиларнинг ярмини танимайман"

"Челси" собиқ посбони Асмир Бегович "кўклар"нинг трансфер сиёсати ҳақида танқидий фикр билдирди.

"Агар сиз Кайседога 115 миллион фунт сарфлаётган бўлсангиз, Райсга 120 миллион фунт сарфлашингиз мумкинми? Мен Декланни "Арсенал"да ўйнашни истамайди демайман, лекин, менимча, у "Челси"га ўтишни ҳам хоҳлаган.

Қандай қилиб Райс бошқа жамоада ўйнаяпти? Унга ўхшаган футболчилар ўтмишда "Челси"га келиб қўшилган. Мен ўз ёш тоифасида энг кучлилар қаторида бўлган футболчилар ҳақида гапиряпман, Деклан Райс ўзининг энг юқори чўққисида эди.

Мен "Челси" футболчиларининг ярмини танимайман! Мен учун бу ғалати, ҳаммаси жуда ғалати. Мен жамоа қандай қурилаётганини тушунмаяпман, қайта қуришнинг бутун ўтиш босқичи мен учун жумбоқли.

Энцо Фернандесни ёқтирмайман демайман, лекин агар биз у ва Кайседо учун 230 миллион фунт сарфлаётган эканмиз, улардан кўра Райсни сотиб олган бўлардим. Илтимос, жамоага энг сара футболчиларни олиб келинг", – деди Бегович.

Ҳавола :

Манба : The Byline

Янгиликларни Телеграмда ўқинг!

Рейтинг: +6