"Tottenxem" va PSJ jamoalari sobiq murabbiyi Maurisio Pochettino "Chelsi"ga tobora yaqin kelmoqda.
Manbaning xabariga ko'ra, "ko'klar" va argentinalik oxirgi detallarni muhokama qilishmoqda. Qayd etilishicha, barchasi yaxshi ruhda ketmoqda. Dushanba kuni Ispaniyada tomonlarning yana bir uchrashuvi bo'lib o'tdi va unda loyihaning istiqbollari muhokama qilingan.
Tomonlar to'liq kelishuv juda yaqin vaqt ichida amalga oshishiga ishonmoqda.
Avvalroq, Sky Sports ham Pochettino yangi mavsumni qayerda boshlashi aniqligi haqida xabar bergandi.
