“Цементчи”нинг олий лигага чиқишига 1 қадам қолди
17 окт 2017 15:56
Янгиликлар
![](https://championat.asia/upload/storage/283502_original.jpg)
![](/upload/storage/283502_220.jpg)
“Цементчи”нинг олий лигага чиқишига 1 қадам қолди
Айни дамда турнир жадвалида Қувасойнинг “Цементчи” жамоаси карвонбошилик қилмоқда. Куни кеча биринчи лиганинг 32-туридан ўрин олган учрашувида “Цементчи” сафарда “Андижон” меҳмони бўлди. Ушбу баҳсда қувасойликлар рақибларини 0:4 ҳисобида мағлубиятга учратишди. Бундай ғалабадан сўнг “Цементчи”нинг олий лигага чиқиши деярли ойдинлашиб қолди. “Андижон” эса ўз вазифасини янада қийинлаштирди.
“Цементчи” сафардаги муваффақиятидан сўнг иккинчи ўриндаги “бургутлар”дан 11 очкога ўзиб кетди. Қувасойликлар шу кунга қадар биринчи лига баҳсларида 30та учрашув ўтказишди. Шулардан 23тасини ўз фойдасига хал қилган бўлса, 4та дуранг ва 3 маротаба мағлубият аламини тотиб кўришган. Кейинги турда “Цементчи” ўз уйида Қаршининг “Насаф-2” жамоасини қабул қилади. Ушбу баҳсда қувасойликлар “аждарлар”ни таслим эта олса олий лига йўлланмасини муддатидан олдин қўлга киритади.
![](https://championat.asia/upload/storage/283495_680.jpg)
Жаҳонгир Сотволдиев
Ўхшаш янгиликлар
![AMP Logo](https://championat.asia/image/logo-amp.png)
Фикрлар