"Бухоро"нинг Тошкентдаги йиғинига икки нафар сербиялик футболчи қўшилди

Кеча жамоа ихтиёрига грузиялик легионер Георги Квесиешвили келиб қўшилди. 23 январда футболчилар тиббий кўрикдан ўтишади.

"Бухоро" жамоаси делегацияси Тошкентдаги "Ўзбекистон" меҳмонхонасида жойлашди.

Шунингдек, сербиялик легионерлар Предраг Вуйович ва Горан Обрадович "Бухоро" жамоаси йиғинига қўшилишди.

Уларнинг бири ярим ҳимоячи, иккинчиси ҳимоячи амплуасида ҳаракат қилади.
   
Предраг Вуйович 2011 йил Ғузорнинг "Шўртан" клубида тўп тепганидан кўпчиликнинг хабари бор. Унинг охирги клуби Сербия биринчи лигаси вакили "Металац" клуби эди.

Предраг Вуйович
Фуқаролиги: Сербия
Туғилган санаси: 1983 йил 20 август
Амплуаси: Ярим ҳимоячи
Бўйи: 1.80 см
Клуби: "Металац" (Сербия)

Горан Обрадович ҳимоячи бўлиб, Арманистоннинг "Гандзасар" клубида фаолият олиб бораётган эди. Ушбу жамоа Арманистоннинг Премер-лигаси иштирокчиси бўлиб, ўтган мавсумда ушбу чемпионатнинг бронза медалини қўлга киритган.

Обрадович "Гандзасар" клуби билан УЕФА Европа лигасининг биринчи раундида ҳам иштирок этишга улгурди.

Горан Обрадович
Амплуаси:  ҳимоячи
Тугилган санаси: 25/12/1986 (27)
Фуқаролиги: Сербия
Клуб: Гандзасар (Арманистон)