"Бухоро" клуби раҳбариятида ўзгариш содир бўлди. Жамоани Даврон Файзиев қабул қилиб олиши кутилмоқда

"Бухоро" профессионал футбол клубига янги, вақтинчалик бош директор этиб Алимов Жамол Абдусатторович тайинланди", - деб ёзганди клубнинг телеграмдаги расмий канали.

Бунгача "Бухоро"да Алишер Рустамов бош директор сифатида ишлаб келаётганди. У 2020 йилнинг июнь ойида бош директор этиб тайинланган эди.

Championat.asia сайти маълумотига кўра, "Бухоро"га Даврон Файзиев бош мураббий этиб тайинланиши кутилмоқда. Мураббий Бухоро вилояти ҳокими билан учрашиши кутилмоқда.

Эслатиб ўтамиз, Файзиев 2020 йилги мавсумда "Қўқон-1912" мураббийлар штабида Бахтиёр Ашурматовга ёрдам берди. "Бухоро" Суперлигада сўнгги ўринни эгаллаб ПРО лигага тушиб кетди.