UZ

Сўнгги янгиликлар

“Бунёдкор” президенти клуб вакиллари билан учрашди ва жамоага янги бош мураббий тайинланди Янгиликлар

“Бунёдкор” президенти клуб вакиллари билан учрашди ва жамоага янги бош мураббий тайинланди

“Ўзбекнефтгаз” АЖ Бошқаруви раиси, “Бунёдкор” футбол клуби президенти Меҳриддин Абдуллаев клубда бўлиб, у ерда мураббийлар, футболчилар ва клубда меҳнат фаолиятини олиб бораётган ходимлар билан учрашди.

Учрашув аввалида клуб бош директори Улуғбек Мирзаев барчага “Бунёдкор” клубида янги иш бошлаган клуб президентини таништириб ўтди.

Шундан сўнг, клуб фаолияти ва қилинаётган ишлар, режалаштирилган вазифалар борасида ҳисобот берди.

Клуб президенти мураббий ва футболчилар билан шахсан учрашишдан асосий мақсади, сўнгги тўрт йилда жамоанинг ютуқларга эриша олмаётгани ва молиявий қийинчиликлар борасида муҳокама қилиш кераклигини таъкидлади.

Албатта, бу йил барчаси бошқача бўлиши, ушбу футбол клуби нафақат мамлакатимизда, балки халқаро майдонда ҳам ғалабаларга эришиши учун ҳаракат қилиши кераклигини билдирди.

Шундан сўнг, клубда фаолият олиб бораётган маслаҳатчи мураббий Юрий Саркисян, мураббийлар – Марат Мифтахутдинов, Виктор Карпенко ўз фикрларини билдириб, аввало, клуб президентининг ташриф буюриб, юзма-юз учрашгани, муаммоли масалаларни муҳокама қилганидан хурсанд эканликларини билдириб ўтишди.

Клуб президенти жамоада нафақат муаммоли масалалар бартараф этилиши, балки комплаенс назорат тизими ўрнатилиши ҳамда клуб учун ажратилган маблағ назорат қилиниши, футболчилар рағбатлантирилиши, коррупцияга йўл қўймаслик борасида ҳам қатор ишлар қилинишини маълум қилди.

Жамоа сардори Лутфулло Тўраев ҳам сўз олиб, айнан клуб президентига, спортчилар билан учрашгани ва уларнинг фикри билан қизиқаётгани, уларни тинглаётгани учун жамоа аъзолари номидан миннатдорчилик билдирди.

Футболчилар, албатта, билдирилган ишончни оқлашлари ва фақат ғалаба учун майдонга тушишларини таъкидлаб ўтди.

Энг аввало, мураббийлар ишига аралашишга мутлақо йўл қўйилмаслигини, мураббий ҳар бир футболчини ўзи танлаши ва натижага эришиш шарт эканлиги билдирилди.

Бундан ташқари, спорт либослари, ётоқхона ва овқатланиш, спортчиларни витаминлар билан таъминлашга ҳам алоҳида эътибор қаратилди.

Клуб президенти қатнашган йиғилишда янги бош мураббий сайлаш масаласи ҳам кўтарилди. Кузатув кенгаши аъзолари, футболчилар ва мураббийларнинг бир овози билан узоқ йиллардан буён жамаода фаолият юритган Шуҳрат Мақсудов бош мураббий этиб сайланди.

Айнан бугундан бошлаб Шуҳрат Мақсудов “Бунёдкор” клубининг бош мураббийи сифатида футболчиларни янги мавсумда майдонга олиб тушади.

“Ўзбекнефтгаз” АЖ Бошқаруви раиси, “Бунёдкор” клуби президенти янги бош мураббий Шуҳрат Мақсудов ўзбек футболининг кўзга кўринган намояндаси, ажойиб футболчи бўлгани ҳамда мураббийликда ҳам ўзига хос ўрнак бўлиб улгурганини таъкидлаб, унга ишонч билдирди ва олдинда турган янги мавсумда омад тилади.

Шу ўринда таъкидлаш керакки, жамоа олдига бу йилги мавсумда чемпионликни қўлга киритиш вазифаси қўйилди.

Рейтинг: +26   

Фикрлар

+8   
03 мар 22:49:45
Okaginasi
bbb фойдаланувчининг фикрига жавоб бериш
Бор жамоа хам энди йук бумаса булди
Адашасиз дўстим, бу фикр билан! Меҳриддин Раззоқовични узоқ йиллардан яқиндан танийман ва биламан. Футболни ашаддий муҳлиси ва фанати!!!!!!!!!!!!!! Унча-мунча фанат бу кишини олдида ип эшолмайди, дейишади-ку! "Бунёдкор"ни бошига бахт қуши қўнди, диса бўвуради... Суперлигада интрига кучайвурсин!!!
+4   
03 мар 22:42:22
Erkin Odilov
Bunyodkorga Jizzaxliklar nomidan omad, xususan Sanjar Rashidovga omad!!!
+3   
03 мар 23:18:47
Ac Milan 0055
Raqsga yomon tuwadi oma bu )))
+3   
03 мар 22:35:08
Интер_Милан
Менга чемпионлик вазифаси куйилгани ёкди.Канчалик амалга ошади билмадиму плакани баланд олгани жуда яхши
+2   
04 мар 00:15:37
D T
Sayfinur фойдаланувчининг фикрига жавоб бериш
Maqsudov bilan hech narsaga erishib bulmaydi Murabbiy sifatida
Сенинг узин хаётингда Максудов эришган бир нарсани учига эришганмисан. Ундан кураси инсон сифатида омад тилаб куйгин сандан кура яхши инсон булмайди.
+2   
03 мар 23:08:16
НУРАФШОН ЧЕЛСИ
Мехриддин Раззокович футболни тушунадигон ва кадирлайдигон инсон Бухоро хокими уринбосари лавозимига ишлаган даврларида Бухоро кучли бешликка юрарди аслида Улугбек Бакоевни хам мураббий булиб танилишида шу инсон сабабчи
+2   
03 мар 22:57:40
ПАХТАКОРЧИ
Azamjon Ubaydullayev фойдаланувчининг фикрига жавоб бериш
Абрам того энди нима киларкан
Дем ололла, тоғооов!
+2   
03 мар 22:44:56
Azamjon Ubaydullayev
Абрам того энди нима киларкан
+2   
03 мар 22:00:27
СЭР АЛЕКС
Барса жамоалар кучайсин. Бундан барча ютади!
+1   
04 мар 13:27:32
Okaginasi
azamlawer фойдаланувчининг фикрига жавоб бериш
Меҳриддин ака деяверайлик энди, ўрисмасмизку. Фалончиевич дейиш ўрисдан қолган
Гапингиз тўғри. Лекин Меҳриддин укам мани. Кўп яхши биламан уни. Футболни бутун вужуди билан яхши кўради! Жуда ҳам талабчан инсон, ўзига ҳам, ўзгаларга ҳам.
+1   
04 мар 00:19:53
Vista 1981
Bunyodkorga omad,avvalgidan xam yuqori natijalarni qayd etsin
+1   
03 мар 22:20:14
Abantur Abanturovich
SER SARKISYAN, UMRI UZOQ BO'LSIN! SHU KISHI KETGACH, NEFTCHI O'LDI... SHUHRAT AKA ARANING SHOGIRDI. OMAD TILAYMAN!
+1   
03 мар 22:01:27
Жонажон УФА
Shuxrat Maqsudov sinab koʻrish yaxshi fikr. Lekin ammo biroq xamma gap pulda futbolda marketing ishlamasa foydasi yoʻq
+1   
03 мар 21:59:21
СЭР АЛЕКС
Наконец то...
+1   
03 мар 21:57:26
УзКорамКо
Абрамов термада эканда энди 100%
championat.asia
< сўнгги янгиликларни кўриш
Яндекс.Метрика