"Бунёдкор"да ким қолди?
07 янв 2022 18:13
Янгиликлар
Бугун марказий ҳимоячи Абдулла Адуллаевнинг АГМКга ўтгани эълон қилинди. Шундай қилиб "Бунёдкор" сафида ўтган йил Суперлиганинг ҳамма ўйинида майдонга тушган футболчи ҳам клуб билан хайрлашди.
Айни пайтда "Бунёдкор"ни деярли барча етакчилар тарк этиб бўлди деса бўлади. Масалан, Суперлигада ўтган йил 20та ва ундан кўп ўйинда иштирок этган футболчилардан Шаҳбоз Эркинов билан Одил Абдураҳмоновни ҳисобга олмасак, бошқа ҳеч ким қолмади. (Шаҳбоз Эркиновнинг ҳам клубни тарк этгани айтилмоқда).
Абдулла Абдуллаев билан Хуршид Ғиёсов АГМКга, Лутфулла Тўраев "Нефтчи"га, Нурилло Тўхтасинов "Навбаҳор"га, Миржаҳон Мираҳмадов "Пахтакор"га йўл олди. Шундай экан, савол туғилади: "Бунёдкор"да ким қолди? Клуб бу йил кимларга таянади?
Легионер футболчи Иброҳим Томива ҳам клуб билан хайрлашган бўлса керак. Ўтган йил ўзини кўрсатган Фаррух Икромов жароҳатини даволаш билан банд. Бундан ташқари клуб тарбияланувчиси Суннатилла Абдуллажонов ҳам "Нефтчи"га ўтиб кетди. Албатта, етакчиларнинг тарк этиши "Бунёдкор" учун бу мавсум жуда қийин келишини билдиради.
Ўхшаш янгиликлар
championat.asia
ЕЧЛ. Камбэк юз бермади. "Арсенал" "Бернабеу"да ҳам "Реал"дан устун келди ва ярим финалга йўл олди! 
ЕЧЛ. "Барселона" "Боруссия Д"дан енгилди, аммо икки ўйин натижасига кўра ярим финалга йўл олди!
Ўзбекистон Кубоги. "Навбаҳор" "Нефтчи"га қарши ўйиннинг сўнгги дақиқаларидаги фантастик гол эвазига мағлубиятдан қутулиб қолди!
U-17 Осиё кубоги. Ўзбекистон КХДРни йирик ҳисобда енгди. Финалдаги рақиб – Саудия Арабистони гуруҳ босқичида мағлуб этилган
Фикрлар