“Бунёдкор” ОЧЛда иккинчи бор меҳмонда бир ўйинда 3та гол урди
26 фев 2016 15:56
Янгиликлар

“Бунёдкор” ОЧЛда иккинчи бор меҳмонда бир ўйинда 3та гол урди

Теглар : Бунёдкор

Тошкентнинг “Бунёдкор” жамоаси ОЧЛ гуруҳ босқичининг 1-турини меҳмонда “Ал-Наср”га қарши ўтказиб, 3:3 ҳисобидаги жангавор дуранг қайд этди.

Бунгача “Бунёдкор” фақатгина бир маротаба меҳмондаги бир ўйинда учта тўп киритган эди. Эсингизда бўлса, 2009 йилги мусобақанинг гуруҳ босқичи доирасида “қалдирғочлар” Эрондаги машҳур “Озоди” стадионида “Персеполис” клубини 3:1 ҳисобида мағлубиятга учратиб қайтишганди.

Демак, Саудия Арабистонида “Ал-Наср” дарвозасига урилган учта гол “Бунёдкор” ФК тарихида меҳмонда бир ўйинда урилган энг яхши кўрсаткични такрорлади.

“Бунёдкор”нинг Осиё Чемпионлар лигасидаги умумий кўрсаткичи қуйидагича: 69та ўйин, 26та ғалаба, 19та дуранг, 24та мағлубият. Тўплар фарқи - 85:84.

Ҳавола :

Манба : fcbunyodkor.com

Янгиликларни Телеграмда ўқинг!

Рейтинг: +3