UZ

Сўнгги янгиликлар

12:20Эшитдик-да! ФИФА "Бунёдкор"га илк санкцияни қўллади  3 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  13 10:57Пеп Гвардиола «Манчестер Сити»даги келажаги борасида бир қарорга келди  4 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  7 09:3410 ойга четлатилган Тонали яна узоқ муддатга дисквалификация қилиниши мумкин  2 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  12 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  3 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3 00:52Италиялик жаҳон чемпиони Қозоғистонга ташриф буюрди  8

"Бунёдкор": Футболчимизнинг ҳолати барқарор Янгиликлар

"Бунёдкор": Футболчимизнинг ҳолати барқарор

Теглар :  "Бунёдкор"
Куни кеча "Бунёдкор" жамоасидаги футболчилардан бири коронавирусга гумон қилинганлиги ҳақида хабар берган эдик.

Бугун клуб расмий сайтида бу ҳақида аниқ маълумот берилди. 

"9 июль куни жамоамиз аъзосининг ҳарорати кўтарилиши натижасида унинг вирус юқтириб олган-олмаганлиги бўйича саволлар пайдо бўлди. Шу боис ҳарорати кўтарилган футболчимиз алоҳида тартибда назоратга олинди, шунингдек, нафақат у балки жамоамизнинг бошқа ўйинчилари ҳам тегишли тартибда тест топширди. 

«Бунёдкор» бугун Coca Cola Суперлиганинг 9-тур доирасидаги учрашувни ўтказиш учун Бухорога жўнаб кетиши керак эди. Маълумки, Республика Махсус комиссиясининг қарорига кўра, мамлакатимиз бўйлаб ҳаракат қилувчи темирйўл ва авиақатновлар тўхтатилган. Шунинг учун жамоамиз Бухорога автобусда йўл олишни режалаштирганди. Бироқ жамоамиз раҳбарияти ҳамда мураббийлар штаби футболчиларимиз топширган тест натижаларининг жавоби маълум бўлгунига қадар таваккал қилишни истамади ва Ўзбекистон Профессионал футбол лигасига мурожаат билан чиқиб, «Бунёдкор» - «Бухоро» учрашувини бошқа муддатга кўчирилишини сўради. Ўз навбатида ПФЛ жамоамиз мурожаатига ижобий жавоб қайтариб, ўйин бошқа муддатда бўлиб ўтишини тасдиқлади. 

Бугун «Бунёдкор» ўқув машғулот базасига Тошкент шаҳар Чилонзор тумани Санитария-эпидемиологик осойишталик агентлигининг инфекционист шифокорлари ташриф буюриб, алоҳида тартибда назоратда бўлиб турган футболчимизни яна бир бор кўрикдан ўтказишди. Кузатув натижаларига кўра, ўйинчимизнинг бугунги ҳолати барқарор, хавотир оладиган жиҳат йўқ. Мутахассисларнинг фикрига кўра, футболчимиз 4-5 кунда ўзининг аввалги ҳолатига қайтади.

Таъкидлаганимиздек, жамоамизнинг барча футболчилари вирус учун тест намуналарини топширган. 1-2 кун ичида натижалар маълум бўлади. Натижалар биз учун ижобий бўлади, деган умиддамиз. Шундай бўлса Суперлиганинг 10-туридан ўрин олган «Бунёдкор» - «Металлург» учрашуви ўз вақтида ўтказилади",- дея хабар беради "Бунёдкор" матбуот хизмати.

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика