UZ

Сўнгги янгиликлар

00:55Пике: "Вальвердени кетказиш - мантиқсизлик эди"  3 00:33"Карабах" Европа лигасида "Вильяреал"ни қаерда қабул қилиши маълум бўлди  2 00:16МЮга қарши ўйинда Кепа "Челси"га ёрдам бера олмайди  4 00:01Про лига. "Зомин" - "Нефтчи" учрашувидан 75та сурат   2 23:43Фрэнк Лэмпард: "Чехнинг қайдномага киритилгани - ҳақиқий сенсация"  1 23:27Гвардиола: "АПЛни исталган мураббий ютиши мумкин"  5 23:10АПЛ. 6-тур. "Астон Вилла" ва "Лидс" жамоаларининг асосий таркиблари маълум!  4 22:54"Ювентус" футболчилари карантиндан олинди  2 22:42Эмре Жанда коронавирус аниқланди  1 22:29"Реал" "Эл Класико" учун қайдномани маълум қилди  20 22:14МЮ Погба билан шартномани узайтирмоқчи, бироқ...  3 21:55Эшли Янг коронавирусдан тузалди  0 21:43Ҳамиджон Актамов: "Ҳужум чизиғимизда оқсаш бор"  6 21:39Гэтжи фаолиятидаги энг ғалати жанг: Жастин бир қўлли жангчига қарши чемпионлик жанги ўтказган  3 21:34Куман "Реал" билан ўйиндан олдин нималар деди?  12

"Бунёдкор" бош директори Улуғбек Мирзаев: "2008 йилда ташкил қилинган ПФЛни очишдан мақсад нима эди?" Янгиликлар

"Бунёдкор" бош директори Улуғбек Мирзаев: "2008 йилда ташкил қилинган ПФЛни очишдан мақсад нима эди?"

“Тезкор Студия”нинг галдаги сонига Суперлига клубларининг расмийлари таклиф қилинди.

Шундай меҳмонлардан бири “Бунёдкор” жамоаси директори Улуғбек Мирзаев жонли эфирдаги мулоқот давомида ПФЛ ва Шоқурбоновнинг истеъфосига муносабатини билдирди.

“Даврон Шоқурбоновни яхши биламан, бир неча йил бирга ишлаганмиз. Ўйлайманки, бу ҳаёт ўзгаришлардан иборат. Ҳеч ким бир жойда ўн йил ёки юз йил ишлаши қийин. Қанча ишлашдан қатъий назар барибир бир кун кетишга тўғри келади. Шундай кетиш керакки, у одам ўзидан ном ва имиж қолдира олиши, бошқа ишга ўтган тақдирда ҳам у одам ҳақида ҳамма ижобий фикр билдира олиши керак. ПФЛда ким раҳбар бўлган бўлса ҳам ўзидан яхши таассурот ва ном қолдиришга эришган.

2008 йилда ташкил қилинган ПФЛни очишдан мақсад нима эди? Биз шундан сўнг миллий биринчиликларимизни ўтказиб келаётган бўлсакда, унгача ҳам Ўзбекистон футбол федерацияси ички чемпионат мусобақаларини ўтказиб келган. Энди ПФЛни ташкил қилишдан кўзланган мақсад жамоаларни бирлаштириш, улар ишлаб чиқараётган маҳсулотни яхлит кўринишга келтиришдир. Мана ҳозир маркетинг ҳақида гап борди. “Бунёдкор” жамоаси бир қатор компаниялар билан реклама хизмати эвазига ишламоқчи. Ўтган йили билсангиз “Drivers Village” брендини ўйинчиларнинг футболкаларига олиб чиқдик. Эътибор берсангиз ОЧЛ ёки ЕЧЛда стадионлардан бир хил реклама шитлари билан безатилган бўлади. Бунда лига маҳсулотни яхлит ҳолатдан компанияларга сотади. Мисол учун, хабаримиз бор “Lagardere Sports” ва ОФК ўртасидаги шартнома муддати тугайди. Ҳозирда улар янги ҳамкор топишган Аниқроғи, Хитой ва Швецария қўшма корхонаси билан келишувга эришган. Улар 8 йиллик умумий суммаси 4 миллиард долларни ташкил этадиган шартнома тузишмоқда.


ПФЛ Coca Сola билан ҳамкорлик қилади, уни суммасидан эса клублар ҳеч қандай фойда кўрмаяпти. Маҳсулотни улар ягоналигича сотяпти, биз эса ичимлик брендини мажбуран реклама қиляпмиз. На реклама шитларидан, на телевидениедан яхлит ҳолатда сотишдан ҳеч қандай даромад йўқ. Бир томондан бонуслар олиб ташланди, иккинчи томондан бадал пуллари оширилди.

Президентимизнинг ўтган йили 4 декабрда чиққан қарорини ўқисангиз, ўзбек футболини тижоратлаштириш деган жойи бор. Бунақада қандай қилиб эришамиз? Клублар ўз ўзини бошқариши керак, ўзини ўзи молиялаштириши керак бўлса. Биз Англия чемпионатларини гапиришни яхши кўрамиз. Уларда 60 ёки 70 фоиз маблағни лига беради. Трансляциялардан, маркетингдан тушган пулларни тақсимлаб беради, ўзига ҳам қанчадир суммани олиб қолади. Мана буни тижоратлаштириш деса бўлади. Бизда катта футболга пул тикадиган катта корхоналар йўқ. Оддий реклама шитлари ёки бошқа ҳомийлардан келадиган пул билан жамоани ойлик маоши, мукофот пуллари, сафар хизматлари ва бошқалар билан таъминлай олмаймиз.

ПФЛни энг катта камчилиги клубларга яхши ҳаёт таъминлаб бера олмаганида. Агарда бизга ҳам лига шунақа шароитларни яратиб берганида эди, ҳамма ўзини ёғида ўзи қовурилмасди. Агар ҳисоблаб чиқилса 1 миллиардни ўзи бадал пулларига кетмоқда. Энг катта ислоҳотни шу ердан бошлаш керак”,- дейди Улуғбек Мирзаев мутахассис.


Кечаги "Тезкор студия"ни қуйида томоша қилиш мумкин: 


Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика