Бундеслига: Даҳшатли ўйинда "Боруссия" ирода кўрсатди ёхуд Пако Алькасердан хет-трик

Дортмундда меҳмон бўлган "Аугсбург" жамоаси "Боруссия"га чинакамига кураш таклиф этди. Ўйиндаги дастлабки голни ўтган турда хет-трик қайд этган Альфред Финнбогасоннинг урди ва жамоасини ҳисобда олдинга олиб чиқди.

Танаффусдан сўнг захирадан майдонга тушган собиқ "Барселона" ҳужумчиси Пако Алькасер мувозанатни тикловчи жавоб тўпини киритди.

Орадан кўп ўтмасдан Андре Ханнинг узтмасидан Филипп Макс унумли фойдаланди ва "Аугсбург"ни ҳисобда олдинга олиб чиқди.

Бироқ ўйин тугашига 10 дақиқа қолганида Пако Алькасер яна бир бор орадаги фарқни йўққа чиқарди. Захирадан ўйинни кучайтириш учун туширилган Марио Гётце эса 84-дақиқа ўз номини таблода ёзиб қўйиб, жамоасини ғалаба сари етаклашга чорлади. 

Лекин Мануэль Баум жамоаси Мюнхенда бўлгани каби ўйин тугашига саноқли дақиқалар қолганида вазиятни ўнгловчи голни уришга муваффақ бўлишди. Грегорич бу сафар жамоа ҳалоскори бўлишга уринди.

Аммо бу ҳали ўйинга қўйилган охирги "нуқта" эмасди. Ҳакам томонидан қўшиб берилган дақиқаларнинг олтинчида Пако Алькасер Дортмундга ғалаба келтирган, ўзининг эса ўйиндаги учинчи голига айланган тўпни киритди - 4:3. Ғалаба тўпини Алькасер узоқдан белгиланган жарима зарбасидан сўнг киритди. Гол шунчаки - гўзал!

Шу тариқа голларга бой ва даҳшатли сценарий остида ўтган учрашувда Люьсен Фавр жамоаси ҳақиқий ирода намойиш этди ва пешқадамликни сақлаб қолувчи муҳим ғалабани расмийлаштирди.


Кунинг иккинчи баҳсида эса "Шальке" Дюссельдорфдан ишончли ғалаба билан қайтди. Маккенни ва Бургшталлернинг голлари гельзеркирхенликларга мавсумдаги иккинчи ғалабани туҳфа этди.

Чемпионат етакчиларидан бири бўлиб турган "Герта" эса Бундеслигада энг кам гол ўтказган "Майнц" дарвозасига йўл топа олмади. Шунингдек, мезбонлар ҳам меҳмонларни ранжитишни уддасидан чиқа олишмади. Натижада мазкур баҳсда нурсиз дуранг қайд этилди.

Ганноверда эса "Штутгарт" ортиқча қийинчиликсиз таслим этилди.

Куннинг охирги ўйини бироздан сўнг Мюнхенда "Бавария" - "Боруссия" Мёнхенгладбах ўртасида кечади. Қолган учта баҳс эса эртага ўтказилади.

Бундеслига, 7-тур.

Боруссия Д – Аугсбург 4:3 (0:1, 4:2)

«Сигнал Идуна Парк»

Голлар: 0:1 – 22 Финнбогасон, 1:1 – 62 Пако Алькасер, 1:2 – 71 Макс, 2:2 – 80 Пако Алькасер, 3:2 – 84 Гетце, 3:3 – 87 Грегорич, 4:3 – 90 Пако Алькасер.

Боруссия Д – Бюрки, Аканджи, Диалло, Хакими, Загаду, Витцель, Вайгль (Гетце, 77), Бруун Ларсен (Геррейру, 69), Санчо, Ройс, Филипп (Пако Алькасер, 59).

Аугсбург –Люте, Гауэлеу, Макс, Фрамбергер, Хинтереггер, Байер (Гетце, 64), Хедира, Грегорич, Хан (Моравек, 75), Каюби, Финнбогасон (Кордова, 83).

Огоҳлантиришлар: Байер (4), Хан (42), Ройс (52), Хедира (54), Гауэлеу (59), Каюби (63), Финнбогасон (79), Кордова (90).

Майнц – Герта 0:0 (0:0, 0:0)

«Кофас-Арена»

Майнц – Центнер, Белль, Аарон Мартин, Мвене, Ньяхате, Гбамен (Максим, 88), Кунде, Баку, Боэтиюс, Буркардт (Уджа, 67), Матета (Абасс, 82).

Герта –Ярстейн, Рекик, Штарк (Лустенбергер, 46), Платтенхардт, Лазаро, Шелбред, Майер, Дуда, Калу, Дилросун (Лекки, 74), Ибишевич (Зельке, 61).

Огоҳлантиришлар: Шелбред (69), Майер (90).

Фортуна – Шальке 0:2 (0:0, 0:2)

«ЛТУ-Арена»

Голлар: 0:1 – 47 Маккенни, 0:2 – 53 Бургшталлер.

Фортуна – Рензинг, Каминьски, Айхан, Гиссельманн (Усами, 66), Циммер, Зоботтка, Бодзек (Дукш, 63), Моралес, Циммерманн, Раман, Хеннингс.

Шальке –Фэрманн, Сане, Налдо, Мендиль, Сердар (Ут, 62), Калиджури, Маккенни (Коноплянка, 79), Маскарель, Бенталеб, Ди Санто (Эмболо, 88), Бургшталлер.

Огоҳлантиришлар: Мендиль (26), Циммер (33), Зоботтка (51), Бодзек (55).

Ганновер – Штутгарт 3:1 (2:0, 1:1)

«АВД-Арена»

Голлар: 1:0 – 30 Вуд, 2:0 – 45 Вуд, 2:1 – 50 Гомес, 3:1 – 90 Бебу.

Ганновер – Эссер, Тревизан, Альборноз, Элез, Антон, Швеглер (Фоссум, 87), Уолас, Асано (Харагути, 14), Бебу, Вуд (Бакалож, 76), Фюллькруг.

Штутгарт –Цилер, Баумгартль, Бадштубер (Томми, 46), Соса, Павар, Дидави, Аскасибар, Гентнер (Сарпей, 84), Кастро (Гонсалес, 46), Бек, Гомес.

Огоҳлантиришлар: Альборноз (19), Соса (82), Томми (85).