Бундеслига, 1-тур анонси

Бугун эса 1-турдан ўрин олган яна олтита ўйин бўлиб ўтади.

Турнинг марказий беллашуви сўзсиз "Вольфсбург" ҳамда "Боруссия" Дортмунд ўртасида кечади.

Петер Бош ўзининг Бундеслигадаги дебютини осон бўлмаган сафар ўйини билан бошлайдиган бўлди. "Бўрилар"га бошчилик қилаётган Андрес Йонкер учун ҳам янги жамоаси билан илк ўйин ҳисобланади.
Иккита янгиланаётган жамоаларнинг ўзаро тўқнашувини кузатиш албатта қизиқарли бўлади.

Шунингдек, турнинг яна бир эътиборга молик учрашуви Гельзеркирхенда ўтади.
Маҳаллий "Шальке" жамоаси ўз уйида ўтган йилги дебютант ва шов-шувларга сабаб бўлган "Лейпциг"ни қабул қилади.
Италиялик мутахассис қўлига ўтган "Шальке" мавсумни қандай бошлаши барча учун қизиқ. Янги мавсумда учта фронтда курашадиган "Лейпциг" эса стартни қандай олади? Ральф Хаззенхюттль бошчилигидаги жамоа янги ва жиддий чорловларга қанчалик тайёр? Бу каби саволларга ушбу ажойиб ўйин орқали жавоб оламиз.

Юлиан Нагельсманн қўмондонлигидаги "Хоффенхайм" илк турда ўз уйида "Вердер" билан куч синашади.
Янги мавсумда Бундеслигада қолиш учун курашиши тахмин қилинаётган "Гамбург" ҳамда "Аугсбург" жамоалари биринчи турда рўбару келишмоқда.

Бундан ташқари Бундеслигада бугун яна иккита беллашув бўлади.
Якшанба куни эса яна иккита қизиқарли баҳс билан Бундеслиганинг 1-турига якун ясалади.

Бундеслига, 1-тур.

19 август, шанба.

"Герта" - "Штутгарт" (18:30)
"Вольфсбург" - "Боруссия" Дортмунд (18:30)
"Майнц" - "Ганновер" (18:30)
"Гамбург" - "Аугсбург" (18:30)
"Хоффенхайм" - "Вердер" (18:30)
"Шальке" - "Лейпциг" (21:30)

20 август, якшанба.

"Фрайбург" - "Айнтрахт" (18:30)
"Боруссия" Мёнхенгладбах - "Кёльн" (21:00)