Аввалги кунги машғулотларга солиштирганда бешта ўзгариш бўлди. Бу, Одил Ҳамробеков ва Илҳом Шомуродов МТЖ йиғинини муддатидан аввал якунлаганлиги ва Аҳмедов, Денисов ҳамда Турсуновни сафни тўлдирганликларидир.
Бугун Турсунов умумий гуруҳда шуғулланди. РПЛда ўз жамоалари билан турнир пешқадамларига қарши ўйинларда қатнашган Аҳмедов ва Денисов якка тартибда стадион залида машғулот ўтказишди.
Егор Кримец эса умумий гуруҳга қўшилди. Анзур Исмоилов эса кечадан бошлаб гуруҳ машғулотларида иштирок этаётган эди. Александр Лобанов ва Игнатий Нестеров асосий дарвозабонлар ролида машғулот ўтказдилар.
КХДР билан бўлиб ўтадиган ўйин учун барча бирдек тайёр. Ҳеч бир футболчимизни жароҳатлар безовта қилмаяпти.
Эртанги ўйин олди расмий машғулотлар "Пахтакор" Марказий стадионида бўлиб ўтади.
