Бугун ЖЧ-2022нинг илк стадиони очилади

19 май куни бу аренада илк учрашув, Амир Кубоги финал баҳс ўтказилади. Стадионниг очилиш маросими "Ал-Райан" ва "Ал Садд" ўртасидаги финал ўйинидан олдин бўлиб ўтади.

Khalifa International Stadium аренаси реконструкциядан сўнг ўз бағрига 40 минг мухлисни сиғдира олади ва ФИФАнинг барча талабларига жавоб беради. Стадионда ҳавони салқинлаштирувчи махсус инновацион тизим ўрнатилган. Барча секторлар том остида жойлашган.

Бу стадионда нафақат ЖЧ-2022 ўйинлари, балки 2019 йил бўлиб ўтадиган енгил атлетика бўйича жаҳон чемпионати ўтказилади.

Қатардаги жаҳон чемпионати 2022 йилнинг 21 ноябридан 18 декабригача ўтказилади.