Бугун футбол. "Насаф" - "Металлург"

Олий лига, 24-тур. 30 сентябрь
НАСАФ - МЕТАЛЛУРГ
Бошланиш вақти - 18:15

Турнир жадвалидаги ўрни: "Насаф" 3-ўринда (48 очко), "Металлург" 6-ўринда (39 очко).  
Очколар орасидаги фарқ - 9 очко.

Таъриф: Совринли ўринлар учун ҳаракат қилаётган "Насаф" навбатдаги турни ўз майдонида ўтказади. Қаршиликлар бу сафар Бекободнинг "Металлург" клубини қабул қилишади. Бугунги беллашувда майдон эгаларининг имконияти бироз юқори баҳоланмоқда. Негаки "Насаф" иккинчи даврада учала ўйинни ҳам ғалаба билан якунлади. "Металлург" эса сафарда ҳали ғалаба қозонгани йўқ.

Факт: "Насаф" ўз майдонидаги ўйинларда ҳозиргача 28 очкони қўлга киритган. Жамоа Қаршидаги 11та ўйиндан 9тасида зафар қучган. Бир марта дуранг ўйнаб, бир бор мағлуб бўлган. Тўплар нисбати 20-7.

Факт: "Металлург" эса сафар баҳсларида 10 очколи бўлган. Бекободликлар 11 учрашувдан иккитасида ғалаба қозониб, 5 марта имкониятни бой беришган ва тўрт бор мағлубиятга учрашган. Тўплар нисбати 8-11.

Факт: "Насаф" иккинчи даврада ҳали ютқазмаган ягона жамоа бўлиб турибди.

Эслатма: Биринчи даврадаги беллашувда "Металлург" Бекободда "Насаф"ни 1:0 ҳисобида мағлуб этган. Ягона гол Дилмурод Каримов томонидан киритилган.