Бугун АПЛда “қайноқ” ўйин бор. “Арсенал” мавсумдаги ягона мағлубиятини “қизил иблислар”дан қабул қилган
22 янв 2023 09:20
Янгиликлар

Бугун АПЛда “қайноқ” ўйин бор. “Арсенал” мавсумдаги ягона мағлубиятини “қизил иблислар”дан қабул қилган

Бугун, 22 январь куни Англия чемпионати 21-тур баҳслари давом этади.

Турнинг энг марказий учрашуви Лондонда “Арсенал” ҳамда “Манчестер Юнайтед” ўртасида бўлиб ўтади. Учрашув Тошкент вақти билан 21:30 да старт олади. Уни Энтони Тейлор бошчилигидаги ҳакамлар бригадаси бошқариб боради.

Арсенал

Эдди Нкетиа - 24', Букайо Сака - 53', Эдди Нкетиа - 90'

Премьер-лига . 21-тур

22/01/2023, 20:30

Тугади

Манчестер Юнайтед

Маркус Рэшфорд - 17', Лисандро Мартинес - 59'

Стадион: Emirates Stadium, 60325 томошабин

Бош ҳакам: Э́нтони Те́йлор

45'

90'

Матч-центрда очиш

“Тўпчилар” АПЛ жорий мавсумидаги ягона мағлубиятини (1:3) илк даврада “Олд Траффорд”да айнан “қизил иблислар”дан қабул қилиб олганди. Ўша учрашувда Антони ҳисобни очган, Маркус Рэшфорд дублга эришганди. Лондонликлар сафида эса Букайо Сака ягона аниқ зарба муаллифига айланган.

Жароҳат туфайли ўйинни ўтказиб юборадиганлар:

“Арсенал”: Габриэл Жезус, Райсс Нельсон;

Сўроқ остида: Муҳаммад Эл Ненни.

МЮ: Донни Ван де Бек, Мэйсон Гринвуд, Диогу Далот, Каземиро, Жейдон Санчо, Аксель Туанзебе;

Сўроқ остида: Антони Марсьяль.

Микель Артета шогирдлари чемпионатда 12 ўйиндан бери ютқазмаяпти. Эрик тен Хаг бошқарувидаги жамоа эса АПЛдаги охирги мағлубиятини 6 ноябрь куни сафарда “Астон Вилла”дан (1:3) қабул қилиб олган. Шундан бери манчестерликлар лигадаги 6 учрашувда ютқазмади.

“Арсенал” ва “Манчестер Юнайтед” шу вақтгача ўзаро барча мусобақаларда ўзаро 238 марта тўқнаш келган. 86 ғалаба “тўпчилар”да, 99 таси эса “қизил иблислар” томонида бўлса, қолган 53 учрашувда муроса йўли танланган. Тўплар фарқидаги устунлик ҳам МЮ томонида: 361 га 337.

@angliyafutboli каналига обуна бўлинг!

Ҳавола :

Манба : Championat.asia

Янгиликларни Телеграмда ўқинг!

Рейтинг: +4