AGMK o'z maydonida "Metallurg" bilan kuch sinashadi. Kecha Olmaliq shahrida mazkur uchrashuvni yuqori saviyada o'tkazish chora-tadbirlariga bag'ishlangan yig'ilish bo'lib o'tdi.
Mitingda o'yin oldi jarayonlari muhokama etildi, jamoalarning maydonga qanday rangli liboslarda tushishi borasida kelishib olindi.
Unga ko'ra, bugun bo'lib o'tadigan bahsda mezbonlar AGMK futbolchilari oq, "Metallurg" futbolchilari esa ko'k rangli formada maydonga tushishi oydinlashdi. Bu haqda "Metallurg" matbuot xizmati xabar berdi.
Eslatib o'tamiz, Toshkent viloyati derbisi bugun Olmaliq shahridagi OKMK stadionida 20:30da boshlanadi.
