Бубанья, Юсупов, Исмоилов, Бабаян ва Бошкович жарима тўлайдиган бўлди
24 май 17:05
Янгиликлар

Бубанья, Юсупов, Исмоилов, Бабаян ва Бошкович жарима тўлайдиган бўлди

Суперлига 7-туридан ўрин олган "Сўғдиёна" – "Навбаҳор" (1:2) ўйинидан кейин "Навбаҳор" футболчилари Ўткир Юсупов ҳамда Аброр Исмоилов ғалабани рақиб жамоа мухлислари қаршисида номақбул ҳаракат билан нишонлаганди.

Тартиб-интизом қўмитасининг навбатдаги йиғилишида мазкур масала ҳам кўриб чиқилди. Якунда ҳар икки футболчи жаримага тортилди. Бироқ Ўткир Юсупов Суперлига 8-туридан ўрин олган "Нефтчи" клубига қарши ўйинда ҳам аввалги ҳолатдан хулоса чиқармагани учун икки карра кўпроқ жарима тўлайдиган бўлди.

Шунингдек, "Сўғдиёна" ва "Навбаҳор" клуби устозлари Иван Бошкович ҳамда Самвел Бабаян ўзаро беллашув давомида техника зонада ўзини тутиш қоидаларига бир неча бор амал қилмай, провакацион ҳатти-ҳаракатларни амалга оширгани учун жарима тўлайдиган бўлди.

8-турдан ўрин олган "Андижон" – "Металлург" учрашувида меҳмон жамоа шифокорига нисбатан қўпол муносабатда бўлган Владимир Бубаньянинг лицензияси вақтинча қайтариб олинганди. Қўмита ҳолатни ўрганиб чиқиб, бошланишига Бубаньяга нисбатан жарима интизом чораси қўллашга қарор қилди. Бу каби ҳолат такрорланса, Бубанья бир ёки бир неча расмий учрашувни ўтказиб юборишига тўғри келади.

Ҳавола :

Манба : pfl.uz

Янгиликларни Телеграмда ўқинг!

Рейтинг: +11