UZ

Сўнгги янгиликлар

14:01Бернардески АҚШдан Италияга қайтди  0 13:33Ўзбекистон U-18 Тошкентда йиғин ўтказади. Таркиб маълум  1 13:03"Ливерпуль" 90 млн евро эвазига ҳужумчи харид қилиши мумкин  4 12:38Де Бруйне "Наполи"да нечинчи рақамни олди?  0 12:14"Манчестер Юнайтед" Бундеслигадаги ҳужумчини ўз сафига қўшиб олмоқчи  2 11:32"Интер"нинг асосий трансфер мақсади маълум қилинди  0 11:07Тома Табатадзе "Бухоро"га ўтиши мумкин  1 10:07Месси пеналтисиз голлар бўйича Роналдуни ортда қолдирди  28 09:52"Ньюкасл" Исакни сотиш ниятида эмас — клуб унинг нархини 173 миллион еврога кўтарди  3 09:24"Барселона" "Реал" юлдузини кўзламоқда — футболчи билан алоқа ўрнатилди  29 08:48"Нефтчи" таркибига нигериялик футболчи қўшилди  6 08:26Эрон клуби Одил Ҳамробеков трансфери учун "Бунёдкор"га қанча тўлади?  1 07:52"Интер Майами" "Ред Буллз"ни 5:1 ҳисобига ютди — Мессидан дубль  25 07:10"Бунёдкор" дарвозабони ОКМКга ўтди  0 00:44"Барселона" Рэшфордни 30-35 млн еврога сотиб олиш ҳуқуқига эга бўлади. МЮ 50 млн хоҳлаганди  3

Бу қизиқ. 2006 йил Ироқ клуби қандай қилиб "Машъал" билан дуранг ўйнаб кетганди? Янгиликлар

Бу қизиқ. 2006 йил Ироқ клуби қандай қилиб "Машъал" билан дуранг ўйнаб кетганди?

Алишер Никимбаев телеграмдаги ўз каналида 2006 йилги воқеани эслади.

ОЧЛ янги мавсуми старти ва Ироқ клубига қарши баҳсдан олдин, 2006 йилги "Машъал" иштирокидаги бир воқеа ёдимга тушди.

Муборак клуби ўрин олган гуруҳ жуда кучли эди. Аммо 4-турдан сўнг бизнинг клуб 7 очко билан 2-ўринда эди. "Ал-Айн"да 10 ва "Ал-Ҳилол"да 6 очко бор эди. Сўнгги ўринда эса Ироқнинг "Ал-Мина" клуби жой олганди. Бу жамоа 4та турда умуман очко ололмаган эди.

Бешинчи турда "Машъал" ўз майдонида айнан "Ал-Мина"ни қабул қилди. "Машъал" бунгача ўз уйида "Ал-Айн" билан дуранг ўйнаган ва "Ҳилол"ни мағлуб этганди. "Мина" мағлуб этилса ва "Ҳилол" "Ал-Айн"ни таслим қилса "Машъал" гуруҳда биринчи ўринга чиқиб оларди.

Ўшанда гуруҳдан фақат битта клуб чорак финалга чиқарди. Шу боис ҳар бир очко жуда қадрли эди.

Ўша пайтлари ОЧЛда ўйинлар чоршанба кунлари ўтказиларди. Қаршидаги ўйин 3 май куни бўлиб ўтиши керак эди. Душанба куни, 1 май куни ЎФФга қўнғироқ бўлди. Қўнғироқ Ўзбекистоннинг Теҳрондаги элчихонасидан эди.
- Бу ерда Ироқ клуби вакиллари бор. Улар ОЧЛ ўйинида иштирок этиш учун Ўзбекистонга кириш визасини олишмоқчи.
- Улар қандай қилиб Теҳронда пайдо бўлиб қолишди? Жамоа қандай қилиб Қаршига келмоқчи?
- Улар Теҳрондан автобусда Қаршига боришмоқчи. Самолёт чиптаси учун пул йўқ дейишмоқда.
- Биз уларга виза қилиб бера оламиз. Аммо айтингчи агар улар автобусда келишса, Туркманистон орқали келишади тўғрими?
- Ҳа, бошқа йўл йўқ.
- Уларда Туркманистон визаси борми?
- Менимча йўқ.
- Унда автобусда қандай қилиб Туркманистондан ўтишмоқчи?
- Тўғри айтасиз, уларга бошқа йўл топишларини айтамиз.

Кейинроқ Ироқ клуби меҳмонхонага пули йўқлиги боис бир кечани Теҳрон масжидларидан бирида ўтказишган, кейин Истанбулга учишган, у ерда яна бир кун бўлишган ва чоршанба куни тонгда Тошкентга учиб келишган, бу ерда "Машъал" вакиллари кутиб олишди.
Меҳмонлар Ўзбекистон меҳмонхонасига жойлашишди, кундуз куни уларни Қаршига чартер рейс кутарди.

Яхшиям бу чартер рейс эди, футболчиларни уйқудан уйғотиш жуда қийин кечган. Улар тушликка ҳам, учиш вақтига ҳам кеч қолишди. Оддий рейсли самолёт уларни кутмасди, чартер эса охиригача кутди.

Футболчилар шу қадар чарчашгандики хатто самолёт йўлакларига ётиб олишганди.

Қаршига самолёт учрашув бошланишига 1 соат қолганида қўнган. "Машъал" бу пайтда стадионда чигалёзди машғулотларини бажараётганди. Комиссар қатъи айтди: "Ал-Мина" футболчилари чигалёзди машғулот қилишмаса ҳам ўйин ўз вақтида бошланиши шарт.

Барчаси "Машъал" учун қўл келаётгандек эди, бироқ ироқликлар характер кўрсатиб якунда 2:2 ҳисобида дуранг ўйнаб кетишганди.



Рейтинг: +22   

Фикрлар

championat.asia
< сўнгги янгиликларни кўриш
Яндекс.Метрика