"Боруссия Д" форварди фаолиятини АПЛда давом эттириши мумкин
02 авг 12:58
Янгиликлар

"Боруссия Д" форварди фаолиятини АПЛда давом эттириши мумкин

"Вест Хэм" Никлас Фюллькруг учун таклиф билан чиқди.

Германиянинг "Боруссия" Дортмунд клуби ҳужумчиси фаолиятини Англиянинг "Вест Хэм" жамоасида давом эттириши мумкин, деб хабар берди "Sky Sport" мухбири Фабрицио Романо.

Маълумотларга кўра, "болғачилар" 31 ёшли Фюллькруг учун 25 млн евро таклиф қилмоқда. "Боруссия" форвард учун 30 млн олмоқчи, аммо инглизларнинг таклифини рад этганича йўқ.

Фюллькругнинг ўзи АПЛга ўтишни истайди ва 2027 йилгача мўлжалланган, яна бир мавсумга узайтириш бандини ичига олган шартнома бўйича келишиб олди.

Никлас Фюллькруг 2023/24 йилги мавсум "Боруссия" таркибида 43 та ўйинда қатнашиб, 15 та гол ва 11 та голли узатмага муаллифлик қилди.

Ҳавола :

Манба : Sky Sport

Янгиликларни Телеграмда ўқинг!

Рейтинг: +2