2005 va 2006 yillarda tavallud topgan yosh futbolchilar 4ta guruhga bo'lindilar. Finalga "Paxtakor"ning bir yo'la ikki jamoasi yo'l oldi. Baxtiyor Nuraliev qo'l ostidagi jamoa 2006 yilda tug'ilgan ukalarini 4:0 hisobda mag'lubiyatga uchratdi. 3-o'rin uchun kechgan bahsda "Bunyodkor" yoshlari poytaxtning yana bir jamoasi, BO'SM-16ga imkoniyatni boy berdilar.
Musobaqada mezbonlardan tashqari Andijon, Uchko'prik, Namangan va Samarqand viloyatlaridan jamoalar ishtirok etdilar.
